ប្រវត្តិថ្មី! វីរការិនី Jessa រកមេដាយមាសបាន កម្ពុជាហក់ឡើងត្រដែតក្នុងតារាងមេដាយ Asian Games

2018-08-24 10:28:48
ចំនួនមតិ 0 | ចំនួនចែករំលែក 0

ចន្លោះមិនឃើញ

Jessa Khan យកបានមេដាយមាស ឱ្យកម្ពុជា១គ្រឿង ក្នុងប្រភេទកីឡាជឺជីតស៊ូ ប្រភេទទម្ងន់៤៩គីឡូក្រាម ក្រោយយកឈ្នះលើកីឡាការិនី Mahra Alhinaai ក្នុងវគ្គផ្ដាច់ព្រ័ត្រដោយលទ្ធផល ១០០-០។

នេះជាប្រវត្តិសាស្ត្រថ្មីមួយទៀតរបស់កម្ពុជា ដោយទទួលបានមេដាយមាស ជាលើកទី២ ក្នុងព្រឹត្តិការណ៍ Asian Game នេះ។ ដោយលើកទី១ សៀវម៉ី ធ្វើបានកាលពីឆ្នាំ២០១៤កន្លងទៅ ក្នុងប្រភេទកីឡាតេក្វាន់ដូ។ អ្វីដែលកាន់តែពិសេសទៀតនោះ សម្រាប់មេដាយមាសរបស់ Jessa គឺ បានជួយឱ្យកម្ពុជា ហក់ឡើងមកលេខ២២ក្នុងតារាងមេដាយនៅ Asian Game ។ ខណៈដែលប្រទេសមួយចំនួនទៀត នៅមិនទាន់រកឃើញមេដាយនៅឡើយទេ។

jessa វ័យទើប១៦ឆ្នាំជាទំពាំងល្អបំផុតសម្រាប់កម្ពុជា ដោយនាងមានសមត្ថភាពខ្លាំងទៅលើកីឡាជឺជីតស៊ូនេះ ដោយធ្លាប់ឈ្នះមេដាយមាសរាប់មិនចង់អស់ទៅហើយ អំឡុងពេលនាងហ្វឹកហាត់កីឡារយៈពេល៩ឆ្នាំកន្លងមក។ ក្នុងនាមតំណាងឱ្យកម្ពុជា កីឡាការិនីមានឪពុកខ្មែរ ម្ដាយមិចសិករូបនេះ រំភើបចិត្ត រហូតស្រក់ទឹកភ្នែកទៅហើយ អំឡុងពេលដឹងថាខ្លួនបានមេដាយមាសនេះ៕

អត្ថបទ៖ មុន្នីរម្យ