ឆៃ សារ៉ា ដេកននៀលពេញសង្វៀន ក្រោយចាញ់ Din Napho វគ្គពាក់កណ្ដាលផ្ដាច់ព្រ័ត្រ

2018-08-27 02:43:49
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់មកពីមកពីក្រសួងការពារជាតិ ឆៃ សារ៉ា ដេកននៀលពេញសង្វៀនប្រកួតម្សិលមិញ បន្ទាប់ពីចៅក្រមកាត់សេចក្ដីឲ្យចាញ់ពិន្ទុក្នុងវគ្គពាក់កណ្ដាលផ្ដាច់ព្រ័ត្រពានរង្វាន់ ISI ទម្ងន់៦៥គីឡូក្រាមជាមួយអ្នកកីឡាករ Din Napho។

ឆៃ សារ៉ា ក្រហម

ការប្រកួតវគ្គពាក់កណ្ដាលផ្ដាច់ព្រ័ត្រម្សិលមិញនេះ ពិតជាជក់ចិត្តណាស់ មិនថាគូរ ឆៃ សារ៉ា ឬគូ មឿន សុខហ៊ុចនោះទេ អ្នកទស្សនាសុទ្ធតែហើបគូថពីកៅអីអង្គុយតែម្ដង។ ដោយឡែកកីឡាករ ឆៃ សារ៉ា ពិតជាព្យាយាមប្រកួតខ្លាំង តាំងតែពីទឹកទី១ដំបូងម្ល៉េះ ហើយប្រើស្នៀតបុកកែងយ៉ាងល្អរបស់គេ រហូតធ្វើឲ្យជើងខ្លាំងបារាំងថៃ បែកឈាមច្រមុះទៀតផង។

កីឡាករ Din Napho

ចំណែកជើងខ្លាំង Din Napho ក៏មិនបានឲ្យកីឡាករកម្ពុជាខាងលើវ៉ៃស្រួលៗនោះឡើយ ពោលកណ្ដាប់ដៃ កែង ជង្គង់ និងស្នៀតទាត់ ចេញជាហូរហែដូចគ្នា។

កូនសិស្សលោក ធន់ សុភា រូបនេះ ហាក់មិនអស់ចិត្តទៅនិងលទ្ធផល ព្រោះអីយល់ឃើញថាខ្លួនវ៉ៃចេញច្រើន សមណាស់តែឈ្នះនាប្រកួតនេះ ប៉ុន្តែលទ្ធផលផ្ទុយទៅនិងការគិតទៅវិញ ធ្វើឲ្យកីឡាកររូបនេះនៅដេកលើសង្វៀនផង ននៀលលើសង្វៀនផងទម្រាំចុះចេញ។

កីឡាករ Din Napho

រំលឹកដែរថា កីឡាករ ឆៃ សារ៉ា ត្រូវធ្លាក់ចេញពីកម្មវិធីពានរង្វាន់ ISI ម្សិលមិញនេះហើយ ក្រោយចាញ់ពិន្ទុកីឡាករថៃកាត់បារាំង Din Napho។ បេក្ខភាពដែលបានឡើងទៅវគ្គផ្ដាច់ព្រ័ត្រ គឺ មឿន សុខហ៊ុច ជាមួយ Din Napho ដើម្បីដណ្ដើមយកពានលេខ១ អមទឹកប្រាក់២៤លានរៀលនៅ២សប្ដាហ៍ទៀត៕