Emoji បង្ហាញពីមករដូវរបស់ស្រ្តី គ្រោងដាក់ឲ្យប្រើប្រាស់នាឆ្នាំ ២០១៩

2018-08-27 14:27:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារៀងរាល់ឆ្នាំទាំងអ្នកប្រើប្រាស់ Android និង iPhone ទទួលបានការប្រើប្រាស់រូបភាព Emoji ថ្មីជាច្រើន ដោយចម្រុះគ្រប់សកម្មភាពនៃការរស់នៅរបស់មនុស្ស។ ហេតុផលនេះហើយបញ្ហារដូវស្រ្តី ក៏មិនជាបញ្ហាដែលត្រូវលាក់បាំងដែរ ព្រោះជាយោបល់ល្អសម្រាប់ការប្រើប្រាស់នាថ្ងៃអនាគត។

តាមការឲ្យដឹងពី The Next Web ស្ថាប័ន Plan International នៃចក្រភពអង់គ្លេស និងប្រទេសអូស្រា្តលីបានកំពុងដុតដៃដុតជើងលើការបង្កើត Emoji រូបភាពបង្ហាញពីការមករដូវរបស់ស្រ្តី ក្រោយរកឃើញថាស្រ្តីសញ្ជាតិអង់គ្លេសអាយុចាប់ពី ១៨ ដល់ ៣៤ ឆ្នាំ បានគិតថា Emoji ប្រភេទនេះ នឹងផ្តល់ភាពងាយស្រួលដល់ខ្លួនសម្រាប់ការជជែកជាមួយមិត្តភ័ក្ដិ ឬដៃគូដោយផ្ទាល់។

ក្រុមដដែល ក៏រកឃើញថា ៩០ ភាគរយនៃក្មេងស្រីរស់នៅជនបទក្នុងប្រទេសហ្គាណា មានអារម្មណ៍អៀនខ្មាសអំឡុងពេលមករដូវ រហូតដល់ ២៨ ភាគរយនៃក្មេងនៅស្រីនៅប្រទេសអ៊ូយហ្គង់ដាបានសម្រេចចិត្តមិនទៅសិក្សាអំឡុងជួបបញ្ហានេះ៕