មកជួបកុមារីវ័យ ១២ឆ្នាំដែលកំពុងល្បីខ្លាំងជាមួយក្បាច់រាំឡូយខ្លាំង ទាក់ទាញពិភពលោក!
- 2018-08-27 12:26:47
- ចំនួនមតិ 0 | ចំនួនចែករំលែក 0
មកជួបកុមារីវ័យ ១២ឆ្នាំដែលកំពុងល្បីខ្លាំងជាមួយក្បាច់រាំឡូយខ្លាំង ទាក់ទាញពិភពលោក!
ចន្លោះមិនឃើញ
Nicole Laeno កុមារីវ័យ ១២ឆ្នាំសញ្ជាតិអាមេរិក បាន និងកំពុងល្បីល្បាញខ្លាំងនៅលើប្រព័ន្ធអ៊ីនធឺណិត ដោយសារនាងមានទេពកោសល្យរាំរស់រវើក ក្បាច់ក៏ប្លែកៗទាក់ទាញអ្នកទស្សនាមិនមែនទែន។
ដើម្បី Nicole Laeno ត្រូវបានបញ្ជូនឲ្យទៅរៀនរាំនៅសាលអំឡុងពេលនាងមានអាយុ ៤ឆ្នាំ។ ប៉ុន្តែដោយសារនាង ចេះតែយំស្ទើររាល់ពេលរៀនរាំ ម្ដាយនាងក៏យកនាងចេញវិញ។ នាងបានទៅលេងបាល់ទាត់ម្ដង ដែលបន្ទាប់ពីនោះមក នាងបានត្រឡប់ទៅរកការរៀនរាំវិញនៅអាយុ ៧ឆ្នាំ។
បែបនេះក្ដី នាងនៅតែយំនៅពេលចាប់ផ្ដើមដំបូង ប៉ុន្តែក្រោយពីពេលវេលាកន្លងផុតយូរទៅនាងចាប់ផ្ដើមមានអារម្មណ៍ធម្មតា និងកាន់តែជក់ចិត្តនឹងការរាំ។ ចាប់ផ្ដើមពីជាក្មេងម្នាក់ដែលមានភាពខ្មាស់អៀនច្រើន Nicole ប្រាប់ថា រាំ បានបង្រៀននាងជាច្រើន។
"ខ្ញុំសុំនិយាយថា គឺជាក្មេងស្រីតូចម្នាក់ដែលមានភាពខ្មាស់អៀនច្រើន ប៉ុន្តែការរាំ បានផ្ដល់ឲ្យខ្ញុំនូវជំនឿចិត្តលើខ្លួនឯងយ៉ាងខ្លាំង។ វាជាអ្វីដែលខ្ញុំមិនដែលបានដឹងសោះថា ខ្ញុំក៏អាចធ្វើវាបានដែរ"។
Nicole Laeno បានក្លាយជាសមាជិកក្មេងជាងគេក្នុងក្រុមរាំ “Advanced Fusion Competition Dance Team” ដែលមកដល់បច្ចុប្បន្ន នាងសម្រេចបានសមិទ្ធផលគួរឲ្យកត់សម្គាល់ជាច្រើនរួចមកហើយ ក្នុងនោះមានដូចជា ជយលាភីអ្នករាំទោល "Bravo!” និងអ្នករាំ “Hollywood Vibe Dancer of the Year” ជាដើម៕
តោះ...មកមើល Nicole រាំទាំងអស់គ្នាតិចមើល៍