BTS នៅតែមិនអាចដណ្ដើមតំណែងអ្នកចូលមើលលឿនជាងគេរយៈពេល ៤ ថ្ងៃពី Taylor Swift បាន

2018-08-30 02:22:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ២៤ ខែសីហានេះ ក្រុមចម្រៀង BTS បានត្រឡប់មកវិញជាផ្លូវការជាមួយនឹងបទចម្រៀងថ្មី "IDOL” ក្នុងអាល់ប៊ុម "Love Yourself: Answer”។ អំឡុងពេលត្រឹមតែ ២៤ ម៉ោងក្រោយការចេញវីដេអូបទចម្រៀងនេះជាផ្លូវការនោះ ក្រុមចម្រៀងប្រុសមួយនេះ បាននាំយកកំណត់ត្រាថ្មីមួយជូនក្រុមរបស់ខ្លួន ជាមួយនឹងការចូលមើលជាង ៥៦,៥ លានដងលើ Youtube ដែលចំនួននេះដែរ ពួកគេបានទម្លាក់វីដេអូបទ "Look What You Made Me Do” របស់ Taylor Swift ពីកំណត់ត្រាចាស់របស់នាង។

បើទោះបីជា អាចដណ្ដើមបានកំណត់ត្រាចូលមើលក្នុងរយៈពេល ២៤ ម៉ោងក្ដី ប៉ុន្តែក្រុម BTS នៅតែមិនអាចបំបាក់តារាចម្រៀង Taylor Swift បាន ជាមួយនឹងការចូលមើលរហូតដល់ ១០០ លានដងក្នុងរយៈពេលត្រឹមតែ ៤ ថ្ងៃនោះ។

វីដេអូបទចម្រៀង "IDOL” របស់ក្រុម BTS ទទួលបានការចុចមើលចំនួន ៨៩,៥ លានដង ក្រោយពេល ៤ ថ្ងៃបន្ទាប់ពីចេញជាផ្លូវការ ប៉ុន្តែវីដេអូចម្រៀងមួយនេះ នៅតែមិនអាចប្រជែងវីដេអូបទ "Look What You Made Me Do” របស់តារាចម្រៀង Taylor Swift បាន ដោយទទួលបានការចុចមើលរហូតដល់ទៅ ១០០ លានដងក្នុងរយៈពេលត្រឹមតែ ៣ ថ្ងៃកន្លះតែប៉ុណ្ណោះ៕

ប្រភព៖ Kenh14 ប្រែសម្រួល៖ អន សុភក្ត្រា