តាចេក មានសុខភាពប្រសើរហើយ អាចចេញទៅផ្ទះវិញឆាប់ៗនេះ

2018-09-03 03:31:41
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែង តាចេក ដែលត្រូវបានក្រុមគ្រួសារដឹកតាមរ៉ឺម៉កកង់បីមកសង្គ្រោះបន្ទាន់មន្ទីរពេទ្យកាលម៉ែត្រ កាលពីចុងសប្ដាហ៍កន្លងទៅបន្ទាប់ពីអាការជំងឺរបស់លោកធ្វើទុក្ខខ្លាំង រហូតដល់ទ្រាំលែងបាន ពេលនេះសុខភាពរបស់តារាកំប្លែងជើងចាស់រូបនេះ បានប្រសើរវិញហើយ ប្រហែលព្រឹកនេះឬថ្ងៃស្អែក ក្រុមគ្រូពេទ្យនឹងអនុញ្ញាតឲ្យលោកចេញទៅសម្រាកនៅផ្ទះវិញហើយ។

តាមការឲ្យដឹងពីតារាកំប្លែងខាងលើ មុខឈានមកចូលបន្ទប់សង្គ្រោះបន្ទាប់ លោកមានអាការៈអស់កម្លាំង ចេះតែវិលមុខ ហើយក្អួតចង្អោរញឹកញាប់ស្ទើរងើបពីកន្ទេលមិនរួច ដោយឃើញបែបនេះ ក្រុមគ្រួសារដឹកតាមរ៉ឺម៉កកង់បី មកសង្គ្រោះបន្ទាន់មន្ទីរពេទ្យកាលម៉ែត្រតែម្ដងទៅ។ ក្រោយពីបានទទួលការព្យាបាលយ៉ាងយកចិត្តទុកដាក់ពីក្រុមគ្រូពេទ្យ សុខភាពរបស់លោកក៏បានប្រសើរឡើងវិញ ប្រហែលព្រឹកនេះឬថ្ងៃស្អែក ក្រុមគ្រូពេទ្យនឹងអនុញ្ញាតឲ្យលោកចេញទៅសម្រាកនៅផ្ទះវិញហើយ។។ នាយចេកថា លោកមានជំងឺសម្ពាធសរសៃឈាម ដែលធ្វើឲ្យឈាមដើរមិនបានស្រួលជាហេតុនាំឲ្យមានអាការវិលមុខ ក្អួតចង្អោរបែបនេះ។

លោកថា ប្រហែលកន្លះខែមុខខ្លួន ក៏ធ្លាប់មានអាការៈស្រដៀងគ្នានេះដែរ ដោយកាលណោះ ក្រុមគ្រួសារ បាននាំទៅព្យាបាលនៅគ្លីនិកឯកជនមួយ ក្នុងក្រុងតាខ្មៅ ហើយក្រោយមកក៏បានធូរស្រាល វិញ។ តារាកំប្លែងរូបនេះ ថ្លែងដូចអស់សង្ឃឹមថា កាលមុខលោក ឈឺ១ឆ្នាំតែម្ដងអីទេ ប៉ុន្តែមួយរយៈចុងក្រោយនេះ ឈឺចង់១ខែម្ដងទៅហើយ។

ជារឿងសំណាងលោកដែរ ការមកចូលសម្រាកនៅមន្ទីរពេទ្យកាលម៉ែត្រនេះ លោកថា ខាងមន្ទីរពេទ្យមិនបានគិតប្រាក់ពីលោកឡើយ ព្រោះលោកមានប័ណ្ណនិវត្តជន ម្យ៉ាងលោកជាអ្នកសិល្បៈក្រីក្រផងនោះ ទើបមន្ទីរពេទ្យ អាណិតមិនគិតពីលោក។ ជាមួយគ្នានោះដែរ រយៈពេលដែលចូលមកសម្រាកនេះ មានមិត្តភក្តិអ្នកសិល្បៈ សប្បុរសជន ជាពិសេសសមាគមសិល្បៈករខ្មែរ ក៏បានមកសួរសុខទុក្ខ និងបានជូនថវិកាបានមួយចំនួនផងដែរ។

តាំងទីផ្សាររបស់តារាកំប្លែងធ្លាក់ចុះ តាចេក ត្រូវបានគេដឹងថា មានជីវភាពដុនដាបខ្លាំង ដោយលោកពឹងផ្អែកលើការដើរតាក់សក់តាមរោងការម្ដងម្កាល ពេលមានគេហៅ ហើយពេលទំនេរ លោកបានជួយលក់លក់ទឹកអំពៅ និងភេសជ្ជៈ កូនប្រពន្ធ នៅតាមចិញ្ចើមផ្លូវលើ ដែលទីតាំងដែលលោកលក់នោះ គឺនៅកំណាត់ផ្លូវជាតិលេខ៣ ហូលរង្វង់មូលគូរស្រូវ ទៅសៀមរាបកន្ទួត។

អត្ថបទៈ ស៊ុនហួត