មេរៀនជីវិតល្អៗ អ្នកមានអាយុមិនទាន់ ២០ឆ្នាំ គួរស្វែងយល់

2018-09-03 09:58:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកធ្លាប់ឆ្លងកាត់ភាពយុវវ័យអ្នកនឹងដឹងច្រើនពីវា ប៉ុន្តែសម្រាប់អ្នកដែលទើបនឹងឈានចូលវ័យនេះមិនអាចដឹង និងគិតដល់នោះទេ ព្រោះមិនទាន់ជួបផ្ទាល់។ អត្ថបទខាងក្រោមនេះអាចនឹងជួយដល់យុវវ័យដែលមានអាយុក្រោម២០បានច្រើន ព្រោះនោះជារឿងដែលអ្នកគួរតែដឹងមុន និងស្វែងយល់ឲ្យហើយទើបល្អ៖

១. មានស្នេហាមិនមែនសុទ្ធតែសប្បាយចិត្តនោះទេ

ភាគច្រើនក្មេងស្រីក្រោមអាយុ ២០តែងងាយលង់ស្នេហ៍ណាស់ ដោយសារនាងឆាប់មានអារម្មណ៍រំភើប អារម្មណ៍ស្រឡាញ់ ហើយនិងភាពងប់ងុល។ ភាគច្រើនពួកគេមិនសូវចេះគ្រប់គ្រងអារម្មណ៍ខ្លួនឯងប៉ុន្មានឡើយ ដូច្នេះងាយនឹងទទួលរង់ការឈឺចាប់ណាស់។ បែបនេះហើយបើអ្នកនៅមិនទាន់ ២០ទេ អ្នកត្រូវរៀន និងស្វែងយល់ថាស្នេហាមិនមែនសប្បាយចិត្តរហូតទេ ពេលខ្លះវាឈឺខ្លាំង ដូច្នេះត្រូវចេះត្រៀមខ្លួនឲ្យហើយ។

រូបតំណាង

**២. មនុស្សដែលញញឹមមុខយើង មិនមែនសុទ្ធតែស្រឡាញ់យើងទេ**

ក្មេងស្រីដែលមិនទាន់សូវបានចូលក្នុងសង្គម រស់នៅជាមួយមនុស្សច្រើននោះ នាងអាចឆាប់ជឿ និងឆាប់ទុកចិត្តគេណាស់ ព្រោះនាងមិនសូវមានបទពិសោធន៍ជាមួយមនុស្ស។ ត្រូវចាំណា ពេលខ្លះអ្នកដែលល្អ អ្នកដែលញញឹមនៅមុនយើង មិនមែនមានន័យថាគេស្រឡាញ់យើងនោះទេ វាគ្រាន់តែប្រើមុខពីរតែប៉ុណ្ណោះ ដូច្នេះមុនទុកចិត្ត និងរាប់អានអ្នកណាម្នាក់ត្រូវមើលឲ្យមែនទែន។

៣. មិនចង់ឲ្យទៅមុខស្ដាយក្រោយ ត្រូវខំរៀនឲ្យចេះ

នៅក្មេងអីចឹងគឺខួរក្បាលល្អណាស់ឆាប់ចាប់បាន ឆាប់ចាំ ដូច្នេះមិនគួរណាចំណាយពេលធ្វើរឿងអត់ប្រយោជន៍ច្រើនពេកនោះទេ។ បើសិនជាមិនចង់ស្ដាយក្រោយទៅថ្ងៃមុន នៅអាយុប៉ុណ្ណេះ គួរតែសង្វាតរៀនឲ្យបានច្រើន រៀនឲ្យចេះ និងមិនសមត្ថភាពខ្ពស់។

រូបតំណាង

៤. លុយមិនមែនស្រួលរកនោះទេ

ប្រហែលភាគច្រើននៅអាយុនេះ គឺទទួលការផ្គត់ផ្គង់ពីគ្រួសារ ដូច្នេះអ្នកមិនដឹងទេថាលុយដែលអ្នកចាយស្រួលៗនោះពិបាករកប៉ុណ្ណា។ នៅក្មេងតែងតែចង់បានការសប្បាយ អ្វីដែលល្អ ស្អាត ទាន់សម័យ តែត្រូវគិតផងថាលុយនោះអ្នកណាជាអ្នករក។ នៅពេលមួយដែលអ្នកធំបន្តិច អ្នកចេះរកលុយខ្លួនឯង ចាយខ្លួនឯង អ្នកនឹងដឹងថាលុយមិនមែនងាយរកនោះទេ។

៥. មិត្តល្អមានតិចបំផុតក្នុងជីវិត

នៅក្មេងអ្នកប្រហែលមានមិត្តភក្តិច្រើន ហើយគិតថានោះសុទ្ធតែជាមិត្តល្អសម្រាប់អ្នកតែនៅពេលកាន់តែអាយុច្រើន ទើបអ្នកដឹងថាពាក្យថាមិត្តល្អមិនមែនងាយមាននោះទេ។ កាន់តែធំអ្នកកាន់តែអស់មិត្តភក្តិ ហើយកាន់តែពិបាករកមិត្តល្អ ហើយមានតិចនាក់បំផុតដែលមិនបែកបាក់ និងល្អជាមួយគ្នារហូត។

រូបតំណាង

៦. ម៉ាក់ប៉ាកាន់តែស្ដីកាន់តែស្រឡាញ់

អាយុក្រោម ២០ភាគច្រើនគឺមានភាពរឹងរូស ចរិតឆេវឆាវណាស់ ហើយឆាប់ងរ ឆាប់អន់ចិត្ត ឆាប់ខឹង ដោយមិនសូវចេះគិតពីហេតុ និងផលទេ។ ប្រហែលអ្នកធ្លាប់ខឹង ស្អប់ ប៉ាម៉ាក់នៅពេលគាត់ស្ដី គាត់ថាឲ្យ តែអ្នកត្រូវដឹងថាទាំងនេះមកពីគាត់ស្រឡាញ់អ្នក។ មិនយូរទៀតទេអ្នកនឹងដឹងពីរឿងទាំងនេះ នៅពេលអ្នកកាន់តែមានអាយុច្រើន៕

ចុចអាន៖