គង់ ហ៊ូវ បង្កើតក្លឹបប្រដាល់នៅជនបទ ប៉ុន្តែកំពុងកង្វះសម្ភារហាត់ច្រើន

2018-09-04 08:49:09
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេង គង់ ហ៊ូវ ហេតុតែស្រឡាញ់ និងចូលចិត្តវិស័យប្រដាល់ឆ្លៀតបង្កើតក្លឹបប្រដាល់តូចមួយនៅស្រុកសន្ទុក ខេត្តកំពង់ធំ ដើម្បីផ្សព្វផ្សាយ និងជាឱកាសសម្រាប់អ្នកចង់ហាត់ប្រភេទកីឡាមួយនេះ។

កីឡាករ គង់ ហ៊ូវ ពេលបើកក្លឹប

គង់ ហ៊ូវ បានឲ្យដឹងថា រូបគេទើបនិងបង្កើតក្លឹបប្រដាល់តូចតាចមួយនៅភូមិ សំណាក ឃុំកកោះ ស្រុកសន្ទុក ខេត្តកំពង់ធំ ហើយឥលូវនេះមានលទ្ធភាពត្រឹមសម្ភារហ្វឹកហាត់បន្តិចបន្តួចនោះទេ រួមមានស៊ីបទាត់ និងកង់ឡានមួយចំនួនប៉ុណ្ណោះ។

គង់ ហ៊ូវ ពេលបើកក្លឹប

អតីតកូនសិស្សសមាគមប្រដាល់ក្រសួងការពារជាតិខាងលើនេះ ប្រាប់ទៀតថា ដោយសារតែចិត្តស្រឡាញ់កីឡាមួយនេះ នឹងចង់ជួយពង្រីកផ្សព្វផ្សាយបន្ថែម ទើបសម្រេចបើកជាក្លឹបបែបនេះ។ ប៉ុន្តែឥលូវមិនទាន់មានសម្ភារគ្រប់គ្រាន់ឡើយ ដូច្នេះសំណូមពរដល់សប្បុរសជន ដែលគាំទ្រគុនខ្មែរ មានសន្ដានចិត្តល្អ សូមជួយទៅតាមផ្ដល់ទៅតាមលទ្ធភាពផង។

គង់ ហ៊ូវ (ខៀវ)

បញ្ជាក់ដែរថា គង់ ហ៊ូវ ជាអតីតកីឡាករមកពីសមាគមប្រដាល់ក្រសួងការពារជាតិ និងជាជើងខ្លាំងទម្ងន់ស្រាលម្នាក់របស់កម្ពុជាផងដែរ ប៉ុន្តែមួយរយៈពេលធំនេះមិនដែលឃើញគេឡើងសង្វៀនទៀតឡើយ។ នេះជាលេខទំនាក់ទំនងរបស់កីឡាករ គង់ ហ៊ូវ 096 428 888 3 ៕

អត្ថបទ៖ នួន ស៊ីណា