Premier League ត្រៀម​សាកល្បង​ប្រើ​ប្រព័ន្ធ VAR ចាប់​ពី​ពាក់​កណ្ដាល​ខែ​នេះ

  • 2018-09-06 04:08:46
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្របខណ្ឌ​កំពូល​របស់​អង់គ្លេស Premier League នឹង​សាកល្បង​ប្រើ​ប្រព័ន្ធ​វីដេអូ​ជំនួយ​អាជ្ញាកណ្ដាល VAR សម្រាប់​១៥​ប្រកួត បន្ទាប់​​លីគ​វិល​ចូល​វិញ​នៅ​ពាក់​កណ្ដាល​ខែ​នេះ។

ប្រព័ន្ធ​នេះ​ត្បិត​តែ​ជោគជ័យ​ក្នុង​ព្រឹត្តិការណ៍​ World Cup នៅ​ប្រទេស​រុស្សី​នា​ពេល​កន្លង​ទៅ​ តែ Premier League ហាក់​មិន​ទាន់​ចង់​ប្រើ​វា​នៅ​ឡើយ។ ប៉ុន្តែ​នៅ​ពេល​នេះ​​ PL កំពុង​មាន​បំណង​ចង់​ប្រើ VAR ចាប់​ពី​ប្រកួត​ដំបូង​នៅ​រដូវ​កាល​ក្រោយ ដោយ​សាកល្បង​ប៉ុន្មាន​ប្រកួត​នៅ​រដូវ​កាល​នេះ​សិន។

ការ​សាកល្បង​នេះ​នឹង​ចាប់​ផ្ដើម​ចាប់​ពី​ថ្ងៃ​សៅរ៍ ទី ១៥ ខែ កញ្ញា​​​ខាង​មុខ​នេះ។ តាម​កាលវិភាគ​វា​នឹង​ប៉ះ​ចំ​ការ​ប្រកួត​របស់​ក្រុម​ធំ​ៗ​ដូច​ជា Arsenal, Chelsea និង Manchester City។ បច្ចុប្បន្ន ប្រព័ន្ធ​វីដេអូ​ជំនួយ​អាជ្ញាកណ្ដាល VAR ធ្លាប់​បាន​ប្រើ​ហើយ​នៅ League Cup រដូវ​កាល​មុន​ និង​វគ្គ​ផ្ដាច់ព្រ័ត្រ FA Cup៕​

ប្រភព៖ Dailymail   ប្រែ​សម្រួល៖ ហេង សុធារិទ្ធិ