នាយ ឆើតគ្រោះថ្នាក់ចរាចរណ៍ធ្ងន់ធ្ងរល្ងាចមិញ

2018-09-08 02:47:32
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាប្លែងជើងចាស់លោក ពៅ គីសាន់ ហៅ នាយ ឆើត ម៉ោងប្រហែល៦ជាងល្ងាចថ្ងៃថ្ងៃ០៨ ខែ សីហា ឆ្នាំ ២០១៨ បានជួបគ្រោះថ្នាក់ចរាចរណ៍ធ្ងន់ធ្ងរ ពេលនេះកំពុងសម្រាកព្យាបាលនៅមន្ទីរពេទ្យព្រះកុសុមៈហៅពេទ្យលោកសង្ឃ។

តាមការឲ្យដឹងពី លោក ធីសាន់ រ៉ាយ៉ា ដែលជាកូនប្រុសតារាកំប្លែងខាងលើ នៅម៉ោងកើតហេតុនាយឆើតបានជិះម៉ូតូម្នាក់ឯង តាមផ្លូវ១កន្លែងក្នុងសង្កាត់ ក្រាំងធ្នង់ ក្នុងបំណងទៅផ្ទះរបស់លោកក្បែរនោះ ហើយក៏ជួបគ្រោះថ្នាក់តែម្ដង ប៉ុន្តែមិនដឹងថា គេបុកគាត់ឬគាត់បុកគេឡើយ ព្រោះកូនប្រុសរូបនោះមិនបាននៅកន្លែងកើតហេតុ ។

កូនប្រុសរូបនោះបានបន្តទៀតថា ភ្លាមៗត្រូវបានប្រជាជនក្បែរនោះដឹកយកទៅសង្គ្រោះនៅពេទ្យឯកជនក្បែរនោះ ប៉ុន្តែដោយគ្រោះថ្នាក់ធ្ងន់ធ្ងរពេកក៏បន្តដឹកនាំ សង្គ្រោះនៅមន្ទីរពេទ្យព្រះកុសុមៈហៅពេទ្យលោកសង្ឃ តែម្ដងទៅ។

ក្រោយការពិនិត្យពីក្រុមគ្រូពេទ្យ លោក ធីសាន់ រ៉ាយ៉ា ប្រាប់ថា ឪពុកខ្លួន បានបាក់ឆ្អឹងដងកាំបិត១កន្លែង បាក់ឆ្នាំជំងឺ៤កាំ និងមានឈាមដក់ក្នុងខួរក្បាលរហូតដល់ទៅពីរកន្លែង ហើយមានការដាច់រលាត់ច្រើនកន្លែងទៀត។ ពេលនេះ នាយឆើតបានចេញពីបន្ទប់សង្គ្រោះបន្ទាន់រួចហើយ ដោយលោកកំពុងសម្រាកនៅបន្ទប់លេខ ជាន់ទី៣ នៃ នៅមន្ទីរពេទ្យព្រះកុសុមៈហៅពេទ្យលោកសង្ឃ។

ដោយមិនមានលទ្ធភាព ក្នុងការព្យាបាលឪពុកកូនប្រុសតារាកំប្លែងជើងចាស់រូបនេះ សូមស្នើទៅដល់សប្បុរសជនទាំងអស់សូមជួយព្យាបាលឪពុក ព្រោះក្រុមគ្រួសារខ្លួនមានជីវភាពក្រីក្រខ្លាំងណាស់។

អត្ថបទ៖ ស៊ុន ហ៊ួត