La Liga ៖ Barcelona និង Girona ជាក្រុមត្រូវលេងនៅអាមេរិក
- 2018-09-08 04:27:45
- ចំនួនមតិ 0 | ចំនួនចែករំលែក 0
La Liga ៖ Barcelona និង Girona ជាក្រុមត្រូវលេងនៅអាមេរិក
ចន្លោះមិនឃើញ
Girona និង Barcelona អាចជាក្រុមត្រូវទៅលេងនៅអាមេរិក មុនគេក្នុងកុងត្រារយៈពេល១៥ឆ្នាំ។ នេះបើតាមលោក Javier Tebas មេ La Liga បានបញ្ជាក់។
ត្រលប់ថយក្រោយបន្តិចថា ក្របខណ្ឌ La Liga បានចុះកុងត្រាជាមួយក្រុមហ៊ុន Relevent រយៈពេល១៥ឆ្នាំ ដើម្បីនាំយកការប្រកួត១ប្រកួតក្នុង១រដូវកាល ទៅលេងនៅទឹកអាមេរិក។ ក្នុងកុងត្រានោះ La Liga នឹងទទួលបានប្រាក់ប្រមាណ១៨០លានផោនឯណោះ។ហើយក្រុមដែលត្រូវទៅលេងនោះ ជាក្រុមដែលស្ម័គ្រចិត្តទៅដោយខ្លួនឯង។
លោក Javier Tebas បាននិយាយដូច្នេះថា៖ “Girona – Barcelona ៩០%ទៅហើយ ដែលត្រូវទៅលេងនៅអាមេរិក។ ក្រុមដែលត្រូវទៅលេងនៅទីនោះ គឺជាក្រុមដែលស្ម័គ្រចិត្ត ដោយ La Liga នឹងមិនបង្ខំពួកគេឡើយ។ យើងយកតែក្រុមចង់ទៅលេងនៅទីនោះប៉ុណ្ណោះ។ នេះមិនមែនគ្រាន់តែការប្រកួតធម្មតាទេ ប៉ុន្តែវាជាផ្នែកមួយនៃការទំនាក់ទំនង Sponsorship ”។
ប្រសិនបើត្រូវទៅប្រកួតនៅទឹកដីអាមេរិកមែន នោះអ្នកគាំទ្រ Girona នៅអេស្ប៉ាញ នឹងទទួលបានសំបុត្រយន្ដហោះទៅទស្សនាដោយមិនគិតថ្លៃ ហើយការប្រកួតនោះនឹងត្រូវលេងនៅ Hard Rock Stadium ដែលអាចផ្ទុកអ្នកទស្សនាបាន ៦៥ ០០០នាក់៕