ជម្លោះក្ដៅគគុកដូចគ្នា អ៊ិន សុភិន និងស្រីណា បានបញ្ចប់ ចុះជាមួយ ហង្ស សម្បើមស័ក្ដ?
- 2018-09-08 04:39:59
- ចំនួនមតិ 0 | ចំនួនចែករំលែក 0
ជម្លោះក្ដៅគគុកដូចគ្នា អ៊ិន សុភិន និងស្រីណា បានបញ្ចប់ ចុះជាមួយ ហង្ស សម្បើមស័ក្ដ?
ចន្លោះមិនឃើញ
ណាក់ ស្រីណា និងលោក ហង្ស សម្បើមស័ក្ដ បានមានជម្លោះក្ដៅគគុកដូចជា ក្រោមហេតុផលថ្លៃនឿយហត់ដូចគ្នាជាមួយលោក អ៊ិន សុភិន ចាងហ្វាងផលិតកម្មមហាហង្ស តែឥឡូវលោក និងស្រីណា បានព្រមព្រៀងបញ្ចប់ហើយ នៅឡើយតែជាមួយតារាសម្ដែង ហង្ស សម្បើមស័ក្ត។
តាមលោក អ៊ិន សុភិន បានអះអាងថា លោកសុខចិត្តព្រមព្រៀងបញ្ចប់បញ្ហាដូចគ្នានឹងករណីជាមួយ ណាក់ ស្រីណា ប្រសិនបើគូទំនាស់របស់លោកបន្ទន់ឥរិយាបទ។ យ៉ាងណាក៏ដោយ លោកថា សាច់រឿងនឹងអាចទៅផ្លូវដូចនឹងករណីតារាសម្ដែងស្រីដែរ ដោយសារតែ សម្បើមស័ក្ដ បានព្រមព្រៀងលើការសុំទោសរួចហើយ។
"សម្បើមស័ក្ដ គាត់នឹងចេញសារសុំទោសខ្ញុំដូចគ្នាដែរ តែឥឡូវមិនទាន់ទេ ដោយសារគាត់រវល់ៗពេក!"។
ជុំវិញបញ្ហានេះ ភាគីម្ខាងទៀត គឺលោក ហង្ស សម្បើមស័ក្ដ អះអាងថា លោកត្រៀមនឹងចេញមុខបកស្រាយបន្ថែមនៅពេលខាងមុខ។ យ៉ាងណា លោក នឹងត្រូវជួបតទល់ជាមួយលោក ចាងហ្វាង ជាមុនសិន។ "គាត់ហៅខ្ញុំជួបថ្ងៃសៅរ៍ ប៉ុន្តែខ្ញុំរវល់ពេក អីចឹងហើយសុំគាត់ថ្ងៃច័ន្ទវិញ"។
ហង្ស សម្បើមស័ក្ដ និងលោក អ៊ិន សុភិន កើតវិវាទជាមួយគ្នា លើថ្លៃឈ្នួលពលកម្មសម្ដែងក្នុងរឿង "សង្គ្រាមមរតក"។ ជម្លោះនេះ ភាគីទាំងសងខាង បានអះអាងតាមអំណះអំណាងរៀងខ្លួន ក្នុងនោះ សិល្បករ បានលើកឡើងថា ក្រុមហ៊ុនមិនមានភាពច្បាស់លាស់លើរយៈពេលថត ឯផលិតកម្មអះអាងថា តារាសម្ដែង មិនបានចូលរួមថតចប់ចុងចប់ដើម ទើបផ្អឹបទុកថវិកាថ្លៃជួលសម្ដែងទុកសិន ជាថ្នូរដែលសិល្បករ បានធ្វើបាបផលិតករក្នុងអំឡុងពេលថតកន្លងមក៕