ប្រកួតល្ងាចនេះ នឹងធ្វើពិធីគោរពដល់ស្ថាបនិកគន្ធបុប្ផា
- 2018-09-10 07:15:40
- ចំនួនមតិ 0 | ចំនួនចែករំលែក 0
ប្រកួតល្ងាចនេះ នឹងធ្វើពិធីគោរពដល់ស្ថាបនិកគន្ធបុប្ផា
ចន្លោះមិនឃើញ
ការប្រកួតមិត្តភាពអន្តរជាតិរវាងក្រុមជម្រើសជាតិកម្ពុជា និងជម្រើសជាតិម៉ាឡេស៊ី ល្ងាចនេះនៅពហុកីឡដ្ឋានជាតិនឹងមានរៀបចំពិធីស្មិងស្មាធិ៍គោរពដល់វិញ្ញាណក្ខន្ធលោក Beat Richner ដែលជាស្ថាបនិកមន្ទីរពេទ្យកុមារគន្ធបុប្ផា ដែលបានទទួលមរណភាពកាលពីម្សិលមិញ។
សហព័ន្ធបាល់ទាត់កម្ពុជាបានប្រកាសថា មុនការប្រកួតរវាងកម្ពុជា និងម៉ាឡេស៊ី វេលាម៉ោង៦:៣០នាទីនៅពហុកីឡដ្ឋានជាតិ នឹងមានពិធីស្មិងស្មាធិ៍ និងគោរពដល់វិញ្ញាណក្ខន្ធលោក Beat Richner ជាស្ថាបនិកមន្ទីរពេទ្យកុមារគន្ធបុប្ផាដែលបានទទួលមរណភាពកាលពីម្សិលមិញនៅប្រទេសស្វីស។
មន្ទីរពេទ្យកុមារគន្ធបុប្ផាបានផ្តល់សេវាកម្មព្យាបាលដល់កុមារកម្ពុជាដោយឥតគិតថ្លៃជាច្រើនឆ្នាំមកហើយ និងជួយសង្គ្រោះជីវិតកុមារកម្ពុជារាប់សិននាក់ក្រោមការដឹកនាំរបស់លោក Beat Richner ដែលជាអ្នកបង្កើតមន្ទីរពេទ្យនេះឡើង៕