មិនអន់ទេ! បេក្ខជនប្រឡង១ថ្នាក់ម្នាក់ឯង ដឹងលទ្ធផលហើយ ល្បីដល់ថ្នាក់ដឹកនាំខេត្តទៀត

2018-09-10 07:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សិស្សដែលអង្គុយប្រឡងបាក់ឌុប ១បន្ទប់ម្នាក់ឯង ដែលទទួលការចាប់អារម្មណ៍តាមបណ្ដាញសង្គមហ្វេសប៊ុក នៅក្នុងខេត្តកំពង់ស្ពឺ ទីបំផុតបានប្រឡងជាប់ហើយ ចំណែកនិទ្ទេសវិញ ក៏មិនអន់ដែរ។ អ្វីដែលកាន់តែរំភើប ថ្នាក់ដឹកនាំខេត្ត ១រូប ក៏បានចូលរួមអបអរដល់សិស្សរូបនេះផងដែរ។

ប្រភពរូប ACU

តាមរយៈទំព័រហ្វេសប៊ុក របស់ ឯកឧត្ដម វ៉ី សំណាង អភិបាលខេត្តកំពង់ស្ពឺ បានសរសេរចូលរួមអបអរ និងបញ្ជាក់ថា សិស្សរូបនេះ មានឈ្មោះ សេម វិចិត្រ ដែលប្រឡងមួយបន្ទប់ ១ អង្គុយតែម្នាក់ឯង បានប្រលងជាប់ និងទទួលបាននិទ្ទេស D។

យុវជន សេម វិចិត្រ មកពីវិទ្យាល័យទ័ពមានជ័យ ស្ថិតនៅក្នុងស្រុកគងពិសីខេត្តកំពង់ស្ពឺ ដែលបានប្រលងនៅមណ្ឌលបឋមសិក្សាវល្លិ៍ បន្ទប់លេខ១៣ ។

ប្រភពរូប ACU

សូមរំលឹកថា សិស្សម្នាក់ ដែលអង្គុយប្រឡងបាក់ឌុប ១បន្ទប់ម្នាក់ឯង គឺជាហេតុការណ៍ដ៏កម្រមួយ ដែលបានធ្វើឲ្យមានការចាប់អារម្មណ៍ខ្លាំងតាមបណ្ដាញសង្គមហ្វេសប៊ុក។

មូលហេតុពិតនៃបញ្ហាដែល Sabay ទទួលបាន ដោយសារក្នុងមួយបន្ទប់ ក្រសួងអប់រំ យុវជន និងកីឡា តម្រូវឱ្យមានបេក្ខជនប្រឡងតែ ២៥ នាក់ប៉ុណ្ណោះ ប៉ុន្តែដោយសារលើសម្នាក់ ទើបត្រូវបំបែកឱ្យប្រឡងបន្ទប់មួយម្នាក់ឯងបែបនេះ។ នេះបើតាមលោក ថន ថារិន ប្រធានមន្ទីរអប់រំ យុវជន និងកីឡា ខេត្តកំពង់ស្ពឺ។

អត្ថបទ៖ ពៅ រក្សា