សហព័ន្ធបាល់ទាត់កម្ពុជាតែងតាំងអគ្គលេខាធិការថ្មី និងនាយកសាលាបាទីថ្មី

2018-09-11 14:27:56
ចំនួនមតិ 0 | ចំនួនចែករំលែក 0

ចន្លោះមិនឃើញ

សហព័ន្ធកីឡាបាល់ទាត់កម្ពុជា (FFC) បានតែងតាំងអគ្គលេខាធិការថ្មីហើយ បន្ទាប់ពីអត់មានអ្នកកាន់តំណែងនេះអស់រយៈពេលជាច្រើនខែកន្លងមក។ ជាមួយគ្នានេះ FFC ក៏បានតែងតាំងនាយកមជ្ឈមណ្ឌល និងសាលាបាល់ទាត់ជាតិបាទីថ្មីដែរ។

ឯកឧត្តម សៅ សុខា ប្រធាន FFC

តាមសេចក្តីសម្រេចរបស់សហព័ន្ធបាល់ទាត់កម្ពុជាដែល Sabay ទទួលបានពីឯកឧត្តម ខៀវ សាម៉េត អនុប្រធានកីឡាបាល់ទាត់កម្ពុជាបានបង្ហាញថា សហព័ន្ធបានសម្រេចតែងតាំងលោក កែវ សារ៉េត ជាអគ្គលេខាធិការនៃសហព័ន្ធកីឡាបាល់ទាត់កម្ពុជា និងលោក យាន ឈៀង ជានាយកមជ្ឈមណ្ឌល និងសាលាបាល់ទាត់ជាតិបាទីថ្មី។

Honda (ឆ្វេង) អ្នកចាត់ការជម្រើសជាតិ និងឯកឧត្តម ខៀវ សាម៉េត (ស្តាំ) អនុប្រធាន FFC

រយៈពេលប៉ុន្មានខែចុងក្រោយនេះ សហព័ន្ធបាល់ទាត់កម្ពុជាមិនមានអគ្គលេខាធិការទេដោយមានត្រឹមតែអគ្គលេខាធិការស្តីទីគឺលោក ម៉ៃ តុលា បន្ទាប់ពីលោក គល់ សុផាណា បានចាកចេញពីតួនាទីនេះ។ កន្លងមក លោក កែវ សារ៉េត ជានាយកមជ្ឈមណ្ឌល និងសាលាបាល់ទាត់ជាតិបាទី ប៉ុន្តែត្រូវបានប្តូរឲ្យកាន់តំណែងអគ្គលេខាធិការ ហើយតែងតាំងលោក យាន ឈៀង ជានាយកវិញ៕