ផ្ទាំងរូបថ្មីរឿង "Avengers 4” ត្រូវបែកធ្លាយ បង្ហាញពីការផ្លាស់ប្ដូររបស់តួអង្គ Hulk

2018-09-14 07:20:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្ទាំងរូបភាពថ្មីសម្រាប់រឿង "Avengers 4” ត្រូវបានបែកធ្លាយ ហើយអ្វីដែលទាក់ទាញចំណាប់អារម្មណ៍ជាងគេនោះ គឺការផ្លាស់ប្ដូរខ្លាំងរបស់តួអង្គ Hulk។

ក្នុងរឿង "Avengers: Infinity War” តួអង្គ Bruce Banner មិនអាចហៅតួអង្គ Hulk ឲ្យចេញក្រៅបានទេ ប៉ុន្តែ អ្វីៗហាក់មានការប្រែប្រួលខ្លាំង ក្រោយតួអង្គ Thanos បំផ្លាញជីវិតមនុស្សអស់ពាក់កណ្ដាលរួចមក។ បើតាមរូបភាពថ្មីដែលបានបង្ហាញនេះ កត់សម្គាល់ឃើញថា តួអង្គ Hulk បានត្រឡប់មករូបរាងកាយដ៏ធំពណ៌បៃតងរបស់លោកវិញ រួមជាមួយនឹងឯកសណ្ឋានថ្មីផងដែរ។

ក្នុងរូបនោះ ក៏សង្កេតឃើញវត្តមានតួអង្គ Captain Marvel, Captain America, Iron Man, Thor ជាដើម បានត្រឡប់មកបម្រើទស្សនិកជនរបស់ពួកគេក្នុងខ្សែភាពយន្តថ្មីក្រោយនេះផងដែរ។ គួរបញ្ជាក់ផងដែរថា ខ្សែភាពយន្តរឿង "Avengers 4” គ្រោងនឹងចាក់បញ្ចាំងជាផ្លូវការនៅថ្ងៃទី ២៦ ខែមេសា ឆ្នាំ ២០១៩ ក្នុងប្រទេសអង់គ្លេស និង ថ្ងៃទី ០៣ ខែឧសភា ឆ្នាំ ២០១៩ នៅសហរដ្ឋអាមេរិក៕

ប្រភព៖ Metro ប្រែសម្រួល៖ អន សុភក្ត្រា