អ្នកគាំទ្រកប់យោបល់ ពេល SM ចេញស្ទីលពន្យារការវិលមកវិញរបស់ EXO
- 2018-09-17 23:25:00
- ចំនួនមតិ 0 | ចំនួនចែករំលែក 0
អ្នកគាំទ្រកប់យោបល់ ពេល SM ចេញស្ទីលពន្យារការវិលមកវិញរបស់ EXO
ចន្លោះមិនឃើញ
បន្ទាប់ពីឃើញផលិតកម្ម SM បង្ហាញតារាងកាលវិភាគចេញអាល់ប៊ុមរបស់តារារបស់ខ្លួន អ្នកគាំទ្ររបស់ EXO ពិតជារំភើបណាស់ ព្រោះមិនយូរមិនឆាប់ ក្រុមសំណព្វពួកគេនឹងបង្ហាញខ្លួន ប៉ុន្តែគ្រប់យ៉ាងពេលនេះបន្សល់តែការខកចិត្ត។
អ្នកតំណាងផលិតកម្ម បានបង្ហាញតារាងកាលវិភាគចេញអាល់ប៊ុមរបស់តារាៗនៅឆមាសទី ២ឆ្នាំ ២០១៨។ ប្រសិនបើអ្វីៗដំណើរការទៅ ទៅតាមតារាងនោះ ដូចនេះក្រុម EXO ទាំងមូលគួរតែក្លាយជាអ្នកបន្ទាប់ដែលចេញបទថ្មី ក្រោយ Girls' Generation។
ទោះជាយ៉ាងណា នៅថ្ងៃទី ១៧ ខែកញ្ញា ផលិតកម្ម SM បានប្រកាសថា ក្រុម Super Junior នឹងចេញអាល់ប៊ុមតូច នៅថ្ងៃទី ០៨ ខែតុលា និង NCT 127 នឹងចេញអាល់ប៊ុមធំ ថ្ងៃទី ១២ ខែតុលាខាងមុខនេះ។
ប្រការនេះហើយ ទើបធ្វើឲ្យអ្នកគាំទ្រក្រុមចម្រៀង EXO ហាក់មានការព្រួយបារម្ភ និងខកចិត្តចំពោះដំណឹងនេះណាស់ ស្របពេលដឹងថាគម្រោងវិលមកវិញរបស់ក្រុមនេះត្រូវពន្យារ៕