សិស្សសាលាចិនម្នាក់ បាត់បង់ជីវិតក្រោយគ្រូពិន័យឲ្យលោតដូចកង្កែប

2018-09-20 08:20:26
ចំនួនមតិ 0 | ចំនួនចែករំលែក 0

ចន្លោះមិនឃើញ

អាជ្ញាធរនៅភាគកណ្ដាលប្រទេសចិន បានបើកការស៊ើបអង្កេតមួយជុំវិញការស្លាប់របស់សិស្យសាលាអាយុ ១៦ឆ្នាំម្នាក់ដែលត្រូវបានគ្រូដាក់ពិន័យឲ្យលោតដូចកង្កែបកាលពីថ្ងៃអាទិត្យ។

យោងតាមសារព័ត៌មាន Thepaper.cn ឲ្យដឹងថា ក្មេងប្រុសរងគ្រោះឈ្មោះ Zhang នៅសាលា Xinhshao No 2 ត្រូវបានគ្រូពិន័យឲ្យលោតកន្លែងឡើងទួលជាង ២០ម៉ែត្រដោយសារមាត់ឡូឡា។ លើសពីនេះ មិត្តភ័ក្ដិរបស់គេម្នាក់ទៀតក៏ត្រូវបានគ្រូឈ្មោះ Xie ដាក់ពិន័យដូចគ្នា ប៉ុន្តែក្រោយពេលលោតជិតដល់កំពូលទៅហើយ ក្មេងប្រុស Zhang ស្រាប់តែដួលសន្លប់ និងមានឈាមហូរតាមមាត់ ត្រចៀក និងច្រមុះទៀតផង។ ក្រោយពេលកើតហេតុ រូបគេត្រូវបានបញ្ជូនទៅកាន់មន្ទីរពេទ្យក្នុងខេត្ត Hunan ប៉ុន្តែក្រោយមកត្រូវគ្រូពេទ្យអះអាងថាជនរងគ្រោះ បានស្លាប់បាត់ទៅហើយ។

ទោះយ៉ាងណាក៏ដោយ ប៉ូលិសកំពុងបើកការស៊ើបអង្កេតមួយពាក់ព័ន្ធហេតុការណ៍ដែលបានកើតឡើង ហើយអ្នកគ្រូ Xie រួមជាមួយនាយកសាលា និងនាយករង ត្រូវបានកោះហៅដើម្បីសាកសួរផងដែរ៕

ចុចអាន ៖

ប្រភព៖ Scmp ប្រែសម្រួល ៖ រ័ត្ន