ក្រោយរងរឿងអាស្រូវស្នេហាជាច្រើន ពេលនេះនាយផា សម្រេចចិត្តរៀបការ និងត្រៀមខ្លួនក្លាយជាឪពុកគេ

2018-09-22 05:27:28
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីបែកបាក់ស្នេហាជាមួយអ្នកមេម៉ាយកូន ១ Nicole Theriault មក តារាសម្ដែងជើងចាស់ Noom Sornram ឬនាយផា ក៏ត្រូវមជ្ឈដ្ឋានជាច្រើនសង្ស័យពីទំនាក់ទំនងជាមួយនារីម្នាក់ ព្រមទាំងលេចឮថាមានកូនជាមួយគ្នាទៀត។

ពេលនេះ អ្វីដែលកាន់តែធ្វើឲ្យគ្រប់គ្នាភ្ញាក់ផ្អើលថែមមួយកម្រិតទៀតនោះគឺ គូស្នេហ៍ទាំង ២បានសម្រេចរៀបការនឹងគ្នាជាស្ថាពរ នៅថ្ងៃទី ២១ ខែកញ្ញា។ ពិធីមង្គលរបស់ពួកគេមិនបានរៀបចំធំដុំនោះទេ ពោលត្រឹមតែជាពិធីធម្មតា ដោយមានការចូលរួមពីមេបាសង្ខាង និងសាច់ញាតិចាស់ទុំប៉ុន្មាននាក់ប៉ុណ្ណោះ។

យ៉ាងណាមិញ នៅថ្ងៃដដែល Noom និង ភរិយា Tik Bigbrotherក៏បានទៅចុះសំបុត្រអាពាហ៍ពិពាហ៍នឹងគ្នា ដោយមិនចាំយូរឡើយ។

អ្នកគាំទ្របាននាំគ្នាសាទរគ្រប់ៗគ្នាចំពោះពេលវេលាដ៏មានន័យរបស់ប្ដីប្រពន្ធថ្មីថ្មោងនេះ ហើយមិនយូរប៉ុន្មានកូននៅក្នុងពោះ ភរិយា Noom នឹងបានស្វាគមន៍ពិភពលោកនេះ ហើយគ្រួសារនេះនឹងកាន់តែអ៊ូអរថែមមួយកម្រិត៕