ពលរដ្ឋអាមេរិកធ្វើការតែ ៨ ថ្ងៃអាចទិញ iPhone XS តម្លៃ ១ ពាន់ដុល្លារបានផុយ

2018-09-24 01:58:26
ចំនួនមតិ 0 | ចំនួនចែករំលែក 0

ចន្លោះមិនឃើញ

លទ្ធផលបានពីការសិក្សាថ្មីៗនេះរបស់វិបសាយ Picodi.com បានបង្ហាញពីរយៈពេលធ្វើការជាមធ្យមរបស់បុគ្គលិកក្នុងប្រទេសមួយចំនួន ដើម្បីអាចបានលុយគ្រប់ទិញ iPhone XS ទំហំ ៦៤ GB បានមួយគ្រឿង។

ប្រទេសដែលត្រូវចំណាយពេលធ្វើការយូរជាងគេបំផុតគឺប្រទេសហ្វីលីពីន ដោយត្រូវចំណាយពេល ១៥៦,៦ ថ្ងៃទើបអាចរកលុយគ្រប់ទិញ iPhone XS ទំហំ ៦៤ GB បានមួយគ្រឿង។ ប្រទេសប៉ាគីស្ថានចំណាយពេល ៨៨,៦ ថ្ងៃ ឥណ្ឌាប្រើពេល ៥៩,៩ ថ្ងៃ ប្រទេសចិនប្រើពេល ៥០,៤ ថ្ងៃ និងប្រទេសរុស្សីប្រើពេល ៤៨,២ ថ្ងៃ។

ក្នុងតំបន់អភិវឌ្ឍន៍មួយចំនួនពលរដ្ឋប្រើប្រាស់ពេលតិចបំផុតដើម្បីមានលុយគ្រប់ទិញ iPhone XS។ តួយ៉ាងដូចជាហុងកុងចំណាយពេលតែ ១១,៥ ថ្ងៃ នៅសិង្ហបុរីប្រើពេល ១០,៤ ថ្ងៃ ប្រទេសជប៉ុន ៨,៨ ថ្ងៃ សហរដ្ឋអាមេរិក ៨,៤ ថ្ងៃ និងតិចជាងគេបំផុតគឺប្រទេសស្វីសប្រើពេលតែ ៥,១ ថ្ងៃប៉ុណ្ណោះ។

iPhone XS/XS Max បានចេញលក់លើទីផ្សារចំនួនជាង ៣០ កាលពីថ្ងៃទី ២១ ខែកញ្ញាកន្លងទៅ។ នៅទីផ្សារសហរដ្ឋអាមេរិកមានលក់តម្លៃចាប់ពី ៩៩៩ ដុល្លារ និង ១ ០៩៩ ដុល្លារ។