ខឹងមិត្តប្រុសមិនឲ្យញ៉ាំទុរេនក្នុងបន្ទប់ ទាញទូរសព្ទប្តឹងប៉ូលិសថាគេចាប់រំលោភ
- 2018-09-25 07:17:00
- ចំនួនមតិ 0 | ចំនួនចែករំលែក 0
ខឹងមិត្តប្រុសមិនឲ្យញ៉ាំទុរេនក្នុងបន្ទប់ ទាញទូរសព្ទប្តឹងប៉ូលិសថាគេចាប់រំលោភ
ចន្លោះមិនឃើញ
ស្ត្រីជនជាតិចិន វ័យ២៩ឆ្នាំម្នាក់ មានឈ្មោះថា Zhang មកពីខេត្ត Zhejiang ប្រទេសចិន បានធ្វើរឿងដ៏គួរឲ្យហួសចិត្តមួយ នៅពេលដែលមិត្តប្រុសឈ្មោះ Luo មិនអនុញ្ញាតឲ្យនាងញ៉ាំទុរេន នៅក្នុងបន្ទប់សណ្ឋាគារ ដោយបានទូរសព្ទទៅប្ដឹងប៉ូលិសថា នាងត្រូវគេចាប់រំលោភ។
យោងតាមប្រភពព័ត៌មាន បានឲ្យដឹងថា គូស្នេហ៍ទាំងពីរបានចូលទៅស្នាក់នៅក្នុងសណ្ឋាគារមួយ។ បន្ទាប់មក នាង Zhang ឃ្លាន ក៏យកទុរេនដែលនាងដាក់មកតាមដើម្បីញ៉ាំ។ ផ្ទុយទៅវិញ មិត្តប្រុសរបស់នាងបាននិយាយបែបលេងសើចថា មិនឲ្យនាងញ៉ាំនៅក្នុងបន្ទប់សណ្ឋាគារឡើយ ហើយឲ្យយកទៅញ៉ាំនៅផ្ទះនាងវិញ។
ក្រោយឮសម្ដីបែបនេះ នាង Zhang បានខឹងយ៉ាងខ្លាំង ហើយក៏យកទុរេនគប់ និងទាត់ធាក់លើលោក Luo ទៀតផង។ ដោយសារតែចង់ឃាត់នាង លោក Luo បានទះមុខនាងបន្តិច ប៉ុន្តែធ្វើឲ្យនាងខឹងរឹតតែខ្លាំង រហូតទាញទូរសព្ទប្ដឹងប៉ូលិសថា នាងត្រូវគេចាប់រំលោភ។
មិនយូរប៉ុន្មាន ប៉ូលិសក៏បានមកដល់ ប៉ុន្តែមានការភ្ញាក់ផ្អើល ដោយសារតែរកមិនឃើញសញ្ញានៃការចាប់រំលោភ ឬការរងរបួសអ្វីឡើយ។ យ៉ាងណាមិញ បន្ទាប់ពីទទួលបានការឆ្លើយសារភាពផ្ទាល់ពីនាង Zhang ប៉ូលិសក៏សម្រេចចិត្តចោទប្រកាន់នាងពីបទរំខានដល់សណ្ដាប់ធ្នាប់សាធារណៈ ហើយឃុំខ្លួននាងរយៈពេល ៥ថ្ងៃតែម្តង៕
ចុចអាន៖