រាជវាំងអង់គ្លេស ដាក់លក់ចិញ្ចៀនភ្ជាប់ពាក្យចម្លងរបស់ព្រះនាង Meghan
- 2018-09-27 08:14:57
- ចំនួនមតិ 0 | ចំនួនចែករំលែក 0
រាជវាំងអង់គ្លេស ដាក់លក់ចិញ្ចៀនភ្ជាប់ពាក្យចម្លងរបស់ព្រះនាង Meghan
ចន្លោះមិនឃើញ
ចិញ្ចៀនភ្ជាប់ពាក្យរបស់ព្រះនាងម្ចាស់ Meghan Markle បានទាក់ទាញការចាប់អារម្មណ៍ជាខ្លាំងពីមនុស្សជុំវិញពិភពលោកនៅក្នុងថ្ងៃរៀបអភិសេករបស់ព្រះនាងជាមួយព្រះអង្គម្ចាស់ Harry។
ឥឡូវនេះ រាជវាំង Buckingham បានដាក់លក់ចិញ្ចៀនចម្លងម៉ូដរបស់ព្រះនាង Meghan ទៅក្នុងវេបសាយរបស់ខ្លួនក្នុងតម្លៃថោកមិនគួរឲ្យជឿ។ យោងតាមគេហទំព័ររាជវង្ស The Royal Collection shop ឲ្យដឹងថាចិញ្ចៀននេះត្រូវបានចម្លងម៉ូដតាមចិញ្ចៀនភ្ជាប់ពាក្យដែលព្រះអង្គម្ចាស់ Harry ប្រគល់ជូនព្រះនាង Meghan។ ចំណែកឯតម្លៃវិញគឺ ៤០ ដុល្លារ សម្រាប់ចិញ្ចៀនមួយវង់ និងក្រវិលមួយគូដែលមានម៉ូដដូចគ្នា មានតម្លៃ ៣២ដុល្លារ ប៉ុណ្ណោះ។
គួរឲ្យដឹងថា ចិញ្ចៀនចម្លងនេះ ត្រូវបានធ្វើឡើងដោយមានត្បូងគ្រីស្ដាល់ចំនួន ៣គ្រាប់ដាក់ពីលើរង្វង់ចិញ្ចៀនដែលធ្វើពីលោហៈធាតុសុទ្ធ មើលទៅស្រស់ស្អាតបំផុត៕