អ្នកចង់រៀន IT និងជំនាញផ្សេងនៅសាលារដ្ឋ លឿនឡើងដាក់អាហារូបករណ៍មានតែ ២០ កន្លែងទេ!

2018-09-28 03:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ប្អូនៗដែលទើបនឹងប្រឡងបញ្ចប់សញ្ញាប័ត្រមធ្យមសិក្សាទុតិយភូមិ(បាក់ឌុបឆ្នាំ ២០១៨) និងទទួលបានសញ្ញបត្របណ្ដោះអាសន្នរួចរាល់ហើយ ហើយមានបំណងចង់បន្តការសិក្សានៅឧត្តមសិក្សានៅសាលាវិទ្យាល័យតាមជំនាញដែលជាក្តីស្រម៉ៃរបស់ខ្លួន អាចមកដាក់ពាក្យសុំអាហារូបករណ៍ ដែលផ្តល់ជូនចំនួន ២០ កន្លែងពីក្រុមហ៊ុន Smart Axiata ដែលមានតម្លៃរហូតដល់ ១៥០០០ ដុល្លារ សម្រាប់ ៤ ឆ្នាំ លុយថ្លៃសាលា និងប្រាក់ខែផងដែរ។

រូបតំណាង

**លក្ខខណ្ឌនៃការដាក់ពាក្យ៖** - ត្រូវតែជាសិស្សទើបបញ្ចប់បាក់ឌុបឆ្នាំសិក្សា ២០១៨ - ទទួលបាននិទ្ទេសរួម A ឬ B - មានបំណងចង់សិក្សានៅសាកលវិទ្យាល័យរដ្ឋក្រោមការគ្រប់គ្រងដោយក្រសួង អប់រំ យុវជន និង កីឡា និង វិទ្យាស្ថានជាតិ NIPTICT នៃក្រសួងប្រៃសណីយ៍ និងទូរគមនាគមន៍។

កាលបរិច្ឆេទផុតកំណត់ដាក់ពាក្យ៖

សូមដាក់ពាក្យឲ្យបានមុន ថ្ងៃទី ១០ ខែតុលា ឆ្នាំ ២០១៨
តាមរយៈ smartedu.com.kh ឬស្នើសុំពាក្យពីសាខា Smart Shop ណាមួយទូទាំងប្រទេស។

បេក្ខជន និងបេក្ខនារី ១០ រូបនឹងត្រូវទទួលបានអាហារូបករណ៍ និងប្រាក់បំណាច់ប្រចាំខែសម្រាប់រៀននៅវិទ្យាស្ថានជាតិ NIPTICT (តែត្រូវប្រឡងជាប់នៅ NIPTICTសិន)។

បេក្ខជនត្រូវភ្ជាប់មកជាមួយនូវសៀវភៅគ្រួសារ ០១ច្បាប់ (ច្បាប់ចម្លង) សញ្ញាបត្រមធ្យមសិក្សាទុតិយភូមិបណ្ដោះអាសន្ន ០១ច្បាប់ (ច្បាប់ចម្លង) ពាក្យសុំចូលរៀននៅសាកលវិទ្យាល័យ ឬ វិទ្យាស្ថានរដ្ឋណាមួយ ០១ច្បាប់ (ច្បាប់ចម្លង) ប្រសិនបើមាន និងប័ណ្ណក្រីក្រ ០១ច្បាប់ (ច្បាប់ចម្លង) ប្រសិនបើមាន។

សម្រាប់ព័ត៌មានបន្ថែមសូមទាក់ទងមកលេខ 010 234 075 រៀងរាល់ម៉ោងធ្វើការ៕

ទស្សនាវីដេអូណែនាំខាងក្រោម៖

អត្ថបទ៖ រក្សា