តួរឿង "Crazy Rich Asians” Awkwafina នឹងក្លាយជាតារាកិត្តិយសកម្មវិធីល្បីឈ្មោះ "Saturday Night Live”
- 2018-09-28 09:10:00
- ចំនួនមតិ 0 | ចំនួនចែករំលែក 0
តួរឿង "Crazy Rich Asians” Awkwafina នឹងក្លាយជាតារាកិត្តិយសកម្មវិធីល្បីឈ្មោះ "Saturday Night Live”
ចន្លោះមិនឃើញ
តារាសម្ដែង Awkwafina មានឈ្មោះពិតថា Nora Lum ជាតារាសម្ដែងនិងតារាចម្រៀងរ៉េបសញ្ជាតិ អាមេរិក ដែលមានឈាមជ័រជាជនជាតិចិននិងកូរ៉េ។ តារារូបនេះមានដើមកំណើតពីទីក្រុង New York សហរដ្ឋអាមេរិក ដោយឪពុកមានសញ្ជាតិចិន អាមេរិក និងម្ដាយមានសញ្ជាតិកូរ៉េ។
តារាសម្ដែងរូបនេះបានបង្ហាញខ្លួនក្នុងភាពយន្តល្បីៗដូចជា "Crazy Rich Asians” និង "Ocean's 8” ជាដើម។ នេះគឺជាកិត្តិយស១សម្រាប់សញ្ជាតិអាស៊ី ព្រោះកម្មវិធីលំដាប់ថ្នាក់ពិភពលោកនេះ មិនងាយនឹងឲ្យតារាល្មមៗចូលរួមឡើយ។
Awkwafina នឹងក្លាយជាតារាទី២ នៅក្នុងរដូវកាលថ្មីនេះដោយបានចូលរួមសម្ដែងដោយតារារ៉េប Travis Scott។ វគ្គដែលនាងត្រូវសម្ដែងនឹងចាក់ផ្សាយនៅថ្ងៃទី ២៩ខែកញ្ញានេះហើយ។ បន្ទាប់ពីត្រូវបានគេជ្រើសរើសឲ្យចូលរួមកម្មវិធី "Saturday Night Live” តារារូបនេះនិយាយថា ខ្លួនពិតជាសប្បាយរីករាយយ៉ាងខ្លាំង ដែលជនជាតិអាស៊ីត្រូវគេទទួលស្គាល់និងបានបង្ហាញមុខច្រើនលើពិភពភាពយន្តហូលីវូដ ហើយសង្ឃឹមថាទៅថ្ងៃអនាគតពួកគេនឹងកាន់តែត្រូវគេទទួលស្គាល់ថែមមួយកម្រិតទៀត៕