សូមជ្រាប ក្រសួងសុំពន្យារពេលប្រលងជ្រើសរើសគ្រូ ទាំង៣កម្រិតនេះហើយ

2018-09-29 08:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មុននេះបន្តិចក្រសួងអប់រំ យុវជន និងកីទ្បា បានផ្សព្វផ្សាយថា នឹងមានការពន្យារកាលបរិច្ឆេទប្រឡងជ្រើសរើសគ្រូបង្រៀន ៣កម្រិត មានដូចជា កម្រិតមូលដ្ឋានបង្រៀននៅអនុវិទ្យាល័យ គ្រូបឋមសិក្សា និងមត្តេយ្យសិក្សា។

បើតាមទំព័រហ្វេសប៊ុកផ្លូវការរបស់ក្រសួងអប់រំ យុវជន និងកីទ្បា មិនបានបញ្ជាក់ច្បាស់ពីមូលហេតុនៃការពន្យារ ដោយគ្រាន់តែបានដាក់ កាលបរិច្ឆេទថា ឈប់ទទួលពាក្យចុះឈ្មោះប្រឡងគ្រូបង្រៀនកម្រិតមូលដ្ឋាន បង្រៀននៅអនុវិទ្យាល័យ ត្រូវបានពន្យារដល់ ថ្ងៃទី០៤ ខែតុលា ឆ្នាំ២០១៨។

ចំណែកសម័យប្រឡង គឺនៅថ្ងៃទី ០៤ ខែវិច្ឆិកា ឆ្នាំ២០១៨។ កាលបរិច្ឆេទចូលរៀន ថ្ងៃទី ២៥ ខែវិច្ឆិកា ឆ្នាំ២០១៨

រីឯកាលបរិច្ឆេទឈប់ទទួលពាក្យចុះឈ្មោះប្រឡងគ្រូបឋមសិក្សា និងមត្តេយ្យសិក្សា ត្រូវបានពន្យារដល់ ថ្ងៃទី៣០ ខែតុលា ឆ្នាំ២០១៨។ ចំណែកសម័យប្រឡង ថ្ងៃទី៣០ វិច្ឆិកា ឆ្នាំ២០១៨។ ក្រសួងអប់រំ យុវជន និងកីទ្បា ក៏បានបញ្ជាក់ពីកាលបរិច្ឆេទចូលរៀន ថ្ងៃទី២០ ខែធ្នូ ឆ្នាំ២០១៨។