ស៊ូណាមិនៅឥណ្ឌូនេស៊ី អ្នកស្លាប់កើនជាង ៤០០នាក់ ខណៈរាប់រយនាក់ទៀតរងរបួស
- 2018-09-30 02:42:43
- ចំនួនមតិ 0 | ចំនួនចែករំលែក 0
ស៊ូណាមិនៅឥណ្ឌូនេស៊ី អ្នកស្លាប់កើនជាង ៤០០នាក់ ខណៈរាប់រយនាក់ទៀតរងរបួស
ចន្លោះមិនឃើញ
មកទល់នឹងថ្ងៃអាទិត្យនេះ ក្រុមអ្នករុករកនៅតែបន្ដស្វែងរកអ្នករស់រានមានជីវិតក្រោយពេលដែលគ្រោះរញ្ជួយដីកម្រិតខ្លាំង និងរលកយក្សស៊ូណាមិវាយប្រហារមកលើកោះ Sulawesi ប្រទេសឥណ្ឌូនេស៊ី កាលពីថ្ងៃសុក្រ ទី២៨ខែកញ្ញា។
យោងតាមអ្នកនាំពាក្យភ្នាក់ងារគ្រប់គ្រងមហន្តរាយឥណ្ឌូនេស៊ី ឲ្យដឹងថាចំនួននាក់ស្លាប់កើនដល់ ៤០៥នាក់ ខណៈពេលដែលជាង ៤០០ នាក់ផ្សេងទៀតរងរបួសធ្ងន់ធ្ងរ។ ក្រោយពេលដែលរញ្ជួយដីកម្រិត ៧,៥រ៊ិចទ័របានធ្វើឲ្យមានរលកយក្សស៊ូណាមិ បោកបក់មកលើផ្ទះសម្បែងរបស់ប្រជាពលរដ្ឋជាង ៣៥០ ០០០ នាក់នៅឆ្នេរនៃទីក្រុង Palu។ ក្នុងនោះជនរងគ្រោះភាគច្រើន ត្រូវបានកប់នៅក្រោមអគារ និងផ្ទះសម្បែងនៅឡើយ ដោយសារតែការជួយសង្គ្រោះខ្វះកម្លាំង និងឧបករណ៍គ្រប់គ្រាន់។
ទោះយ៉ាងណាក៏ដោយ រយៈពេលពីរថ្ងៃក្រោយរញ្ជួយដី និងស៊ូណាមិ អាជ្ញាធរទីក្រុង Palu បានជំរុញឲ្យពលរដ្ឋកុំទាន់ត្រលប់ទៅកាន់លំនៅឋានវិញព្រោះអាចនឹងមានរញ្ជួយដីម្ដងទៀត៕
ចុចអាន ៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
