ជើងខ្លាំងចេញមុខថា iOS 12 លើ iPhone XS អាច Jailbreak បាន

2018-09-30 05:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ បុរសម្នាក់ឈ្មោះថា Min(Spark) Zheng ដែលគេស្គាល់ថាជា អ្នកជំនាញផ្នែកសុវត្ថិភាពប្រចាំនៅក្រុមហ៊ុន Alibaba បានប្រកាសលើគណនី Twitter របស់ខ្លួនថា បានធ្វើស៊ី(Jailbreak) ប្រព័ន្ធ iOS 12 បានសម្រេចហើយ។

បុរសដដែលនេះ បានបង្ហាញពីកូដដែលខ្លួនអាច Jailbreak បានរួមទាំងប្រាប់ពីក្រុមរបស់គេទៀតផង គឺ "@PanguTeam ! Bypass PAC mitigation on the new A12 chip” ដែលមានន័យថា ក្រុម Pangu ពួកគេនៅតែខ្លាំង អាចធ្វើស៊ីទាំងប្រព័ន្ធដំណើរការ iOS 12 និងបន្ទះឈីប A12 របស់ Apple បាន ប៉ុន្តែពួកគេមិនបានបញ្ចេញជាជា File Public ឲ្យដោនឡូតលើវិបសាយរបស់គេនៅឡើយទេ។

iOS 12

ត្បិតតែថា សព្វថ្ងៃការ Jailbreak មិនសូវជាពេញនិយមព្រោះ Apple បានតម្រូវចិត្តអ្នកប្រើច្រើនលើ Software គិតតាំងពីជំនាន់ iOS11 មក ក៏ប៉ុន្តែដំណឹងនៃការ Jailbreak នេះក៏ធ្វើឲ្យអ្នកអភិវឌ្ឃន៍កម្មវិធីរបស់ Apple ឈឺក្បាលមិនតិចដែរ ដោយសារត្រូវសរសេរកូដបិទ យ៉ាងណាកុំឲ្យមានការ Jailbreakបាន។ ដូចដែលភ្នាក់ងារ Apple មួយរូបធ្លាប់បានលើកឡើងថា សុវត្ថិភាពអ្នកប្រើ iOS ជារឿងសំខាន់ សម្រាប់ Apple មិនអាចឲ្យមានការបែកធ្លាយកូដណាមួយនោះទេ៕