Sarri បានកែប្រែទម្លាប់ និង វិន័យដ៏តឹងរ៉ឹងបំផុតនៅ Chelsea

2018-09-30 07:55:46
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលដែលកីឡាកររបស់ Chelsea ដើរសំដៅទៅកាន់គ្រាប់ធញ្ញជាតិ ដំណាប់ផ្លែឈើស្ងួត ដែលគេរៀបចំរួចជាស្រេចនៅពេលក្រុមនេះទៅប្រទេសអូទ្រីស កាលពីខែកក្តដា ឆ្នាំ២០១៦ មនុស្សជាច្រើនសន្និដ្ឋានថាពួកគេអាចញ៉ាំអាហារដែលក្លឹបអនុញ្ញាតឲ្យញ៉ាំប៉ុណ្ណោះ។ នេះបើតាមទីភ្នាក់ងារព័ត៌មាន BBC។

កីឡាករអាជីពសុទ្ធតែមានទម្លាប់មិនថាការញ៉ាំ ការសម្រាក សុទ្ធតែក្លឹបជាអ្នកដាក់វិន័យ ធ្វើយ៉ាងណាដើម្បីឲ្យកីឡាករមានសុខភាពល្អ។

ជាការពិតណាស់ គ្មាននរណាហ៊ានថាវិន័យដែកថែបរបស់លោក Conte មិនល្អទេ ព្រោះអតីតគ្រូបង្វឹកតោខៀវរូបនេះធ្លាប់ដណ្តើមពាន Premier League និង ពានរង្វាន់ FA Cup ក្នុងរយៈពេល២រដូវកាលរបស់លោកនៅ Stamford Bridge។

ប៉ុន្តែ លោក Sarri គឺជារឿងដោយឡែកមួយទៀត។ គ្រូបង្វឹកដែលកំពុងដឹកនាំ Chelsea ៨ ប្រកួតបើកឆាកមិនទាន់ស្គាល់ពាក្យបរាជ័យរូបនេះ បានកែប្រែទម្លាប់ និង វិន័យដ៏តឹងរ៉ឹងទាំងនោះ។

បន្ថែមពីលើអាហារពេលយប់ដែលភាគច្រើនជាអាហារសម្រន់ដូចជា ទឹកប៉េងប៉ោះ អំបិល ប៊័រ លោក Sarri បានឲ្យមេចុងភៅបន្ថែមនំឲ្យកីឡាករលោក ហើយនៅពេលពួកគេត្រូវធ្វើដំណើរទៅលេងក្រៅទឹកដី លោកបានបន្ថែមការ៉េមដល់កីឡាករទៀតផង។

ប៉ុន្មានឆ្នាំចុងក្រោយនេះ មិនត្រឹមតែលោក Conte ទេដែលដាក់វិន័យតឹងរ៉ឹងបំផុតដល់កីឡាករ ដូចជា កីឡាករ Chelsea ត្រូវប្រមូលផ្តុំនៅសណ្ឋាគារ១យប់មុនពេលដែលការប្រកួតក្នុងទឹកដី។ ព្រឹកឡើង ត្រូវប្រមូលផ្តុំហ្វឹកហាត់ទីលាន។

ប៉ុន្តែ Sarri បានផ្លាស់ប្តូរទម្លាប់នេះ លោកអនុញ្ញាតឲ្យកីឡាករលោកគេងនៅផ្ទះជុំគ្រួសារនៅយប់មុនការប្រកួតក្នុងដី។ លោកនិយាយថា លោកជឿជាក់លើកីឡាកររបស់លោក ថានឹងមិនធ្វើឲ្យប៉ះពាល់ដល់ការហ្វឹកហាត់ឡើយ៕

ប្រភព៖ BBC ប្រែសម្រួល៖ សុខ លាងហ៊ត