ហ៊ុន ច័ន្ទរាជ្យ អរគុណណាស់ទឹកចិត្តឯកអគ្គរាជទូតខ្មែរនៅមីយ៉ាន់ម៉ា

2018-10-01 08:34:24
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់ MMA ហ៊ុន ច័ន្ទរាជ្យ អរគុណសម្រាប់ទៅដល់ទឹកចិត្តរបស់អគ្គរាជទូតខ្មែរនៅប្រទេសមីយ៉ាន់ម៉ា ដែលបានទៅលើកទឹកចិត្ត រួមទាំងចំណាយថវិកាផ្ទាល់ខ្លួនជួយឧបត្ថម្ភដល់កីឡាករកម្ពុជាពីររូបពេលប្រកួតផងដែរ។

ឯកឧត្ដម សុក ជា(កណ្ដាល)

លោក ហ៊ុន ច័ន្ទរាជ្យ បានឲ្យដឹងថា លោកពិតជាត្រេកអរ និងសប្បាយចិត្តខ្លាំងណាស់ ដែលបានការលើកទឹកចិត្តពីសំណាក់ឯកឧត្ដម សុក ជា អគ្គរាជទូតខ្មែរនៅប្រទេសមីយ៉ាន់ម៉ា បានទៅមើលផ្ទាល់ដល់សង្វៀនប្រកួតរបស់កម្ពុជា ពេជ្រ មន្ទេសខ្មាំង និង រឿង សោភ័ណ្ឌ។ ក្រៅពីនេះឯកឧត្ដមរួមនិងក្រុមការងារបានឧបត្ថម្ភកីឡាករម្នាក់ៗ ២០០ដុល្លារ ថែមទៀតផង។ ការលើកទឹកចិត្តនេះបានធ្វើឲ្យកីឡាកររឹតតែមានកម្លាំងចិត្តប្រកួតថែមទៀត។

អ្នកគាំទ្រកាលថ្ងៃប្រកួត

គ្រូប្រដាល់ខ្មែរអាមេរិករូបនេះបន្ថែមថា លោកសង្ឃឹមទៀតថាការចូលរួមលើកទឹកចិត្តនេះ នឹងរឹតតែច្រើនឡើងទៀត នៅពេលប្រកួតក្រោយៗទៀតឯប្រទេសមីយ៉ាន់ម៉ា។ ម្ចាស់ក្លឹបប្រដាល់ Cambodia Top Team ខាងលើនេះក៏ថ្លែងអំណរគុណដល់សហព័ន្ធគុនខ្មែរដែលអនុញ្ញាតឲ្យលោកបាននាំកីឡាករទាំងពីររូបចេញទៅប្រកួតផងដែរ។

ឯកឧត្ដម សុក ជា និងក្រុមកីឡាករកម្ពុជា

រំលឹកដែរថា លោកគ្រូ ហ៊ុន ច័ន្ទរាជ្យ ជាគ្រូប្រដាល់ប្រចាំក្លឹប Cambodia Top Team លោករួមទាំងកីឡាករ ពេជ្រ មន្ទេសខ្មាំង និង រឿង សោភ័ណ្ឌ ទើបតែវិលត្រលប់មកពីប្រទេសមីយ៉ាន់ម៉ាវិញម្សិលមិញប៉ុណ្ណោះ បន្ទាប់ពីពួកគេទៅចូលរួមក្នុងកម្មវិធី WLC៕

អត្ថបទ៖ នួន ស៊ីណា