LG V40 ចេញជាផ្លូវការ មានកាមេរ៉ាដល់ ៥ គ្រាប់
- 2018-10-04 02:10:22
- ចំនួនមតិ 0 | ចំនួនចែករំលែក 0
LG V40 ចេញជាផ្លូវការ មានកាមេរ៉ាដល់ ៥ គ្រាប់
ចន្លោះមិនឃើញ
LG V40 ThinQ បានបង្ហាញមុខជាផ្លូវការ ជាមួយរូបរាងដែលមិនមានការផ្លាស់ប្ដូរច្រើន ប៉ុន្តែមានបន្ថែមសមត្ថភាពលើការថតរូបតាមរយៈការបំពាក់កាមេរ៉ារហូតដល់ ៥ គ្រាប់។
ផ្នែកខាងក្រោយមានបំពាក់នូវកាមេរ៉ាចំនួន ៣ គ្រាប់ ដែលកាមេរ៉ាមេមានកម្រិត ១២ MP មាន Aperture f/1.5, កាមេរ៉ាទីពីរជាប្រភេទ Wide-Angle កម្រិត ១៦ MP អាចផលិតរូបភាពបានទំហំ ១០៧ ដឺក្រេ និងកាមេរ៉ាទីបីជាប្រភេទ Telephoto កម្រិត ១២ MP ជំនួយដល់ការ Zoom។ ជាមួយការបំពាក់កាមេរ៉ា ៣ នេះ LG បានបន្ថែមមុខងារឈ្មោះ Triple Shot ដែលអាចថតរូបភាពបានម្ដង ៣ សន្លឹក ចេញពីកាមេរ៉ាទាំងបី។
កាមេរ៉ាក្រោយនេះក៏មានបញ្ចូលនូវបច្ចេកវិទ្យា AI ដែលអាចកែប្រែ Settings នៃរូបភាពតាមស្ថានភាពជាក់ស្ដែង និងរឹតតែពិសេសអាចបម្រែបម្រួល Shutter Speed ផ្អែកតាមសកម្មភាពរបស់ Subject ដែលជួយកាត់បន្ថយភាពព្រាលពេលថតរូបសកម្មភាព។
កាមេរ៉ាខាងមុខមានកាមេរ៉ាមេកម្រិត ៨ MP និងកាមេរ៉ាមួយទៀតជាប្រភេទ Wide-Angle កម្រិត ៥ MP ដែលអាចថតរូបបានច្រើនគ្នា។ ទាំងកាមេរ៉ាមុខនិងក្រោយមានសមត្ថភាពអាចផលិតរូបភាព Bokeh បានដូចស្មាតហ្វូនកំពូលដទៃដែរ។
ខាងក្រោមនេះជាលក្ខណៈសម្បត្តិផ្សេងទៀតរបស់ LG V40 Thinq ៖
អេក្រង់ទំហំ ៦,៤ អ៊ីញ ប្រភេទ P-OLED ជាមួយដង់ស៊ីតេរូបភាព ៥៣៧ ភីកសែល/មួយអ៊ីញ
ប្រើបន្ទះឈីប Snapdragon 845 អមនឹង RAM ទំហំ ៦ GB អង្គផ្ទុកទិន្នន័យក្នុងម៉ាស៊ីន ៦៤ GB និងមានរន្ធដាក់មេមូរីកាតបាន
ប្រើប្រព័ន្ធប្រតិបត្តិការ Android Oreo 8.1
ប្រព័ន្ធបញ្ចេញសំឡេងបែប Stero Boombox Speaker
ថ្មទំហំ ៣៣០០ mAh អាចទ្រាំទ្រនឹងការសាកថ្មឥតខ្សែ
ចេញលក់លើទីផ្សារសហរដ្ឋអាមេរិកនៅថ្ងៃទី ១៨ តុលា ជាតម្លៃជាង ៩០០ ដុល្លារ ចុចអាន៖
Apple លួចដោះស្រាយស្ងាត់ៗបញ្ហាសាកថ្មអត់ចូលលើ iPhone XS
ច្បាស់ចែស! OnePlus 6T រចនាមុខងារថ្មី ចម្លងតាម iPhone ចាប់មានតាំង ២ ឆ្នាំមុន