ក្រោយបាត់ខ្លួនពីកម្មវិធីធំៗជិត៣ឆ្នាំ Taylor Swift បង្ហាញខ្លួនក្នុងកម្មវិធី AMAs ជាមួយឈុតភ្លឺចែងចាំង
- 2018-10-11 02:40:00
- ចំនួនមតិ 0 | ចំនួនចែករំលែក 0
ក្រោយបាត់ខ្លួនពីកម្មវិធីធំៗជិត៣ឆ្នាំ Taylor Swift បង្ហាញខ្លួនក្នុងកម្មវិធី AMAs ជាមួយឈុតភ្លឺចែងចាំង
ចន្លោះមិនឃើញ
ថ្មីៗនេះកំពូលតារាចម្រៀង Taylor Swift ទើបតែបង្ហាញខ្លួនក្នុងកម្មវិធីប្រគល់ពានរង្វាន់ដ៏ធំប្រចាំឆ្នាំ American Music Awards ជាមួយឈុតកែច្នៃយកលំនាំតាមភ្លើងឌីស្កូយ៉ាងភ្លឺចែកចាំង ព្រមទាំងសម្ដែងបើកឆាកផងដែរ ក្រោយពីផ្អាកមិនដែលសម្ដែងនិងចូលរួមកម្មវិធីធំៗអស់រយៈពេលជិត៣ឆ្នាំ។ គូសបញ្ជាក់ដែរថា Taylor បានបង្ហាញខ្លួនយ៉ាងភ្ញាក់ផ្អើលក្នុងកម្មវិធី Billboard Music Awards កាលពីដើមឆ្នាំនេះ ប៉ុន្តែនាងមិនបានសម្ដែងនោះទេ។
បង្ហាញខ្លួនកាលពីយប់ថ្ងៃអង្គារ ម្ចាស់បទ "Bad Blood” បានសម្ដែងបទ "I Did Something Bad” ជាមួយនឹងការតុបតែងឆាក គួរឲ្យទាក់ទាញ ក្នុងកម្មវិធី AMAs ដែលជាការសម្ដែងក្នុងកម្មវិធីផ្សេងៗលើកដំបូងបន្ទាប់ពីផ្អាកអស់រយៈពេលជិត៣ឆ្នាំ។ ក្នុងថ្ងៃនោះដែរ Taylor បានឈ្នះពានរង្វាន់ដល់ទៅ៤ ក្នុងពេលតែមួយគឺ ពានតារាប្រចាំឆ្នាំ "Artist of the Year” តារាស្រីចង្វាក់ Pop/Rock “Pop/Rock Female Artist” អាល់ប៊ុម Pop/Rock “Pop/Rock Album” សម្រាប់អាល់ប៊ុម «Reputation» និងពានរង្វាន់តន្ត្រីទេសចរណ៍ល្អបំផុត "Best Tour Artist”។
ចំពោះការចូលរួមកម្មវិធីនេះផ្ទាល់ Taylor បានស្លៀកឈុតកែច្នៃយកលំនាំតាមភ្លើងឌីស្កូ ធ្វើឲ្យសម្លៀកបំពាក់នាងភ្លឺចែងចាំង ពេញក្នុងកម្មវិធីពិតជាគួរឲ្យទាក់ទាញ។ មិនត្រឹមតែប៉ុណ្ណោះ Taylor ក៏បានបង្ហោះរូបថត៣សន្លឹកក្នុងបណ្ដាញសង្គម Facebook របស់នាងដោយបានសរសេរដូច្នេះថា "អ្នកបានធ្វើឲ្យមនុស្សភ្លើងឌីស្កូម្នាក់នេះសប្បាយចិត្តដល់ហើយយប់នេះ"៕
នេះជាឈុតការសម្ដែងខ្លីរបស់ Taylor ក្នុងកម្មវិធី AMAs៖