ដីស្រែមួយកន្លែងរបស់ Por បានប្រែខ្លួនជាកន្លែងលម្ហែដ៏ស្រស់ស្អាត ទាក់ភ្នែកមិនធម្មតា
- 2018-10-11 05:05:00
- ចំនួនមតិ 0 | ចំនួនចែករំលែក 0
ដីស្រែមួយកន្លែងរបស់ Por បានប្រែខ្លួនជាកន្លែងលម្ហែដ៏ស្រស់ស្អាត ទាក់ភ្នែកមិនធម្មតា
ចន្លោះមិនឃើញ
កាលពីនៅមានជីវិត អតីតតារាសម្ដែងជួរមុខប្រចាំប្រទេសថៃ Por Tridsadee តែងប្រាថ្នាចង់ឲ្យតំបន់មួយកន្លែងក្លាយជាទីសម្រាកលម្ហែកាយ ដ៏ស្រស់ត្រកាលព័ទ្ធជុំវិញដោយធម្មជាតិខៀវស្រងាត់។
ពេលនេះអ្វីដែលតែងស្ថិតក្នុងក្ដីស្រមៃរបស់ Por បានក្លាយជាការពិតហើយ ដោយដីស្រែអភិរក្សរបស់លោក ត្រូវបានផ្លាស់ប្ដូររូបរាងទៅជា កសិដ្ឋានបែបផ្ទះសម្រាកលម្ហែយ៉ាងស្រស់ស្អាត នៅខេត្ត Buriram។
ទាំងនេះសុទ្ធសឹងកើតចេញពីគំនិត និងឆន្ទៈលះបង់របស់ Por មុនទទួលមរណភាព។ បំណងសំខាន់ លោកចង់ឲ្យដីស្រែនេះ ទទួលបានកសិផលកាន់តែច្រើន ពិសេសដើម្បីជម្រុញដល់ការសិក្សាអប់រំ និងលើកស្ទួយជីវភាពប្រជាជនក្នុងតំបន់នោះឲ្យកាន់តែប្រសើរ។
ដោយឡែកថ្មីៗនេះ កសិដ្ឋានផ្ទះលម្ហែនេះ ត្រូវបានបើកឲ្យភ្ញៀវទេសចរមកកម្សាន្តបានហើយ ដើម្បីស្រូបយកខ្យល់អាកាសបរិសុទ្ធ និងរីករាយនឹងធម្មជាតិពិតៗ៕