Samsung គិតចង់ដករន្ធកាសចេញពី Galaxy Note 10

2018-10-12 08:48:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្អែកតាមការចុះផ្សាយរបស់សារព័ត៌មានកូរ៉េខាងត្បូង ET News បានចុះផ្សាយថា Samsung កំពុងពិចារណាដករន្ធកាសចេញពីស្មាតហ្វូនកំពូលដែលចេញនៅឆ្នាំ ២០១៩ និង ឆ្នាំ ២០២០។

ការចុះផ្សាយរបស់ ET News បានអះអាងថា Samsung កំពុងសិក្សាលើជម្រើសដករន្ធកាស 3.5 mm ចេញពីស្មាតហ្វូនដែលនឹងប្រកាសនៅក្នុងអំឡុងចុងឆ្នាំ ២០១៩។ ហេតុនេះលើ Galaxy Note 10 ឬ Galaxy S11 អាចនឹងបាត់រន្ធដោតមួយ។

ការដករន្ធកាសនេះនឹងអាចឲ្យ Samsung បង្កើនទំហំថ្ម ឬ ប្រើចន្លោះប្រហោងដែលមានសម្រាប់ដាក់អ្វីផ្សេង។ ប៉ុន្តែអ្វីដែលគេជឿច្បាស់ជាងគេនោះគឺក្នុងប្រអប់ Galaxy Note 10 ឬ Galaxy S11 នឹងមានភ្ជាប់ឌុយតពីកាស 3.5 mm ទៅ USB Type-C មកជាមួយ។

គួរដឹងថាកាសស្ដាប់ឥតខ្សែកំពុងកើនឡើងប្រជាប្រិយភាពខ្លាំង ហើយបើផ្អែកតាម Strategy Analytics បានប្រមើលមើលថាទីផ្សារកាសស្ដាប់ឥតខ្សែនឹងកើនឡើង ៧៣,៩ លានគ្រឿងនៅឆ្នាំ ២០១៩ និងជាង ១០០ លានគ្រឿងនៅឆ្នាំ ២០២០។ នេះអាចជាកត្តាមួយជំរុញឲ្យ Samsung បំបាត់រន្ធកាស 3.5 mm ដូចជា Apple និងក្រុមហ៊ុនផលិតស្មាតហ្វូនមួយចំនួនទៀត៕

ចុចអាន៖

ប្រភព៖ GSMarena ប្រែសម្រួល៖ សុខហេង