Google ប្រាប់ថា កាមេរ៉ាក្រោយ តែមួយគ្រាប់គ្រប់គ្រាន់ មិនបាច់មានទីពីរនោះទេ

2018-10-15 02:54:45
ចំនួនមតិ 0 | ចំនួនចែករំលែក 0

ចន្លោះមិនឃើញ

Google ថ្មីៗនេះ បានបញ្ចេញទូរសព្ទ Pixel 3 និង Pixel 3 XL ដែលបំពាក់កាមេរ៉ាក្រោយមួយគ្រាប់ និងមុខពីរគ្រាប់ រួមជាមួយបច្ចេកវិទ្យា AI (Artificial Intelligence) ថ្មី និង Machine Learning (ML)។

មានហេតុផល Google មិនបន្ថែម Lens ទីពីរលើប្រព័ន្ធកាមេរ៉ារបស់ខ្លួន។

លោក Mario Queiroz អនុប្រធានផ្នែកគ្រប់គ្រងផលិតផលរបស់ Google បញ្ជាក់ថា Google មិនត្រូវការ Lens ទីពីរនោះទេ ដោយរកឃើញថាមិនចាំបាច់។ បច្ចេកវិទ្យា ML របស់ក្រុមហ៊ុនគ្រប់គ្រាន់ជំនួសកាមេរ៉ាទីពីរបាន។

ចុះម៉េចបានជាមានកាមេរ៉ាមុខពីរទៅវិញ?

Google បានពន្យល់ថា គោលបំណងអាចឲ្យអ្នកប្រើប្រាស់អាចថត Selfies បានមុំទូលាយ (Wide-angle) មិនត្រូវការជំនួយពីដង Selfie។

កាមេរ៉ាក្រោយទំហំ 12.2 Megapixels មាន Sensor ជំនាន់ថ្មី ប៉ុន្តែមានមុខងារដូចគ្នានឹងជំនាន់មុន។

គួរឲ្យចាប់អារម្មណ៍មួយដែរ Google មិនធ្លាប់បាននិយាយពីកំណត់ត្រាវាយតម្លៃរបស់ DxOMark សម្រាប់កាមេរ៉ា Pixel 3 ឡើយ។ កាលចេញ Pixel និង Pixel 2 ម៉ូដែលនេះទទួលបានពិន្ទុកំពូលក្នុងបញ្ជី DxOMark ខណៈ បច្ចុប្បន្ន Huawei P20 Pro ស្ថិតនៅលើកំពូលតារាងនៃបញ្ជីវាយតម្លៃសមត្ថភាពកាមេរ៉ារបស់ DxOMark៕