Depay ស៊ីប្រលោះជើង Neuer ជួយហុល្លង់លត់អាល្លឺម៉ង់ ៣-០
- 2018-10-14 02:05:31
- ចំនួនមតិ 0 | ចំនួនចែករំលែក 0
Depay ស៊ីប្រលោះជើង Neuer ជួយហុល្លង់លត់អាល្លឺម៉ង់ ៣-០
ចន្លោះមិនឃើញ
ជើងខ្លាំងអាល្លឺម៉ង់បានចាញ់ក្រោមថ្វីជើងម្ចាស់ផ្ទះហុល្លង់ ៣-០ កាលពីយប់មិញនេះក្នុងជំនួបសន្សំពិន្ទុលើកទី២ ពូល A នៃព្រឹត្តិការណ៍ UEFA NATIONS LEAGUE ។
ជំនួបនេះត្រូវបានគេដឹងថា ក្រុមទាំងពីរដាក់ជើងពេញដូចគ្នា ហើយបើកការវាយសម្រុកគ្នាទៅវិញទៅមក ដែលមើលទៅការប្រកួតពិតជាមានភាពជក់ចិត្តមែនទែន។ នៅនាទីទី៣០ ក្រុមម្ចាស់ផ្ទះបានបង្កើតឱកាស និងរកបានមួយគ្រាប់មុនដោយខ្សែការពារកណ្ដាលរបស់ក្លឹប Liverpool, Van Dijk តែតបញ្ចូលទីបានសម្រេច ក្រោយពេលបាល់សល់ពីការតែតបុកបង្គោលទីរបស់ខ្សែប្រយុទ្ធហុល្លង់ R. Babel ។
ចប់វគ្គទី១ក្រុមទាំងពីរមិនបានបន្ថែមគ្រាប់បាល់គ្នាឡើយ ហើយការប្រកួតអាល្លឺម៉ង់បានប្រឹងប្រែងសម្រុកយ៉ាងខ្លាំងនៅវគ្គទី២ ដើម្បីស្វែងរកគ្រាប់បាល់តាមស្មើមកវិញ។ ជាងនេះទៅទៀត អាល្លឺម៉ង់ មិនត្រឹមតែមិនអាចតាមស្មើបាន ថែមទាំងបង្កើតបាល់ដាច់មាត់ឲ្យម្ចាស់ផ្ទះហុល្លង់រកបានគ្រាប់បាល់ទី២ ដែលធ្វើបានដោយខ្សែប្រយុទ្ធ Depay ស៊ុតប្រលោះជើង M. Neuer យ៉ាងល្អ និងគ្រាប់ទី៣ធ្វើបានដោយ G. Wijnaldum នៅនាទីទី៩០+៣ ។ ចប់ការប្រកួតហុល្លង់លត់អាល្លឺម៉ង់ ៣-០ ។
ពានរង្វាន់ខាងលើក្រុមមាន់គកបារាំងកំពុងស្ថិតនៅលើគេ ដោយមាន ៤ ពិន្ទុ ក្នុងចំណោម២ប្រកួត ស្របពេល ហុល្លង់មាន ៣ ពិន្ទុ និងអាល្លឺម៉ង់មាន ១ ពិន្ទុនៅបាតតារាងនៃពូល A ៕
វីដេអូ Highlights ៖