ព្រួយពី Selena មែន តែតាមទង្វើទាំងនេះពិតបញ្ជាក់ថា Justin មិនលែងដៃ Hailey ដាច់ខាត

2018-10-14 03:52:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីព័ត៌មានចុះផ្សាយព្រាតទាក់ទងនឹង Selena Gomez ត្រូវចូលមន្ទីរពេទ្យដោយសារជំងឺផ្លូវចិត្ត អ្នកគាំទ្រជាច្រើននាំគ្នាឆ្ងល់គ្រប់គ្នាពីប្រតិកម្ម និងការបង្ហាញទឹកមុខក្រៀមក្រំរបស់ Justin Bieber។

បើទោះបីគ្រប់គ្នាដឹងថា ទំនាក់ទំនងរបស់ Justin និង Selena បានកាត់ផ្ដាច់ទៅហើយក្ដី ប៉ុន្តែតារាប្រុសរូបនេះដូចជាសោកសៅណាស់ ពេលដឹងថាអតីតមិត្តស្រីរបស់ខ្លួនធ្លាក់ខ្លួនឈឺបែបនេះ។ ប្រការនេះ បានធ្វើឲ្យអ្នកគាំទ្ររបស់គូស្នេហ៍ Jelena (Justin និង Selena) យល់ឃើញថា ម្ចាស់បទ "Sorry” នៅមិនទាន់អស់អាល័យពី Selena ទេ។

ទោះជាយ៉ាងណាក្ដី ខុសពីការរំពឹងទុករបស់អ្នកគាំទ្រ បច្ចុប្បន្ន Justin កំពុងកាន់ដៃ Hailey ជាប់ ហើយលោកនៅតែចង់បន្តដំណើរជីវិតជាមួយគូស្នេហ៍បច្ចុប្បន្ន ពោលគឺបង្កើតចំណងស្នេហាប្រាកដប្រជាមិនលេងសើចដូចមុនឡើយ។

តារាប្រុសកើតឆ្នាំ ១៩៩៤រូបនេះ ចង់ចំណាយពេលវេលាល្អៗជាមួយ Hailey និងមិនចង់ខ្វល់រឿងការងារទាំងអស់។ ដោយសារបែបនេះហើយ ទើបមួយរយៈចុងក្រោយ លោកមិនធ្វើបទថ្មី ព្រោះកាលណាចេញបទថ្មី Justin នឹងត្រូវមានការប្រគំតន្ត្រីទេសចរណ៍ និងមមាញឹកជាមួយការងារជាច្រើន ហេតុនេះលោកប្រាកដជាគ្មានពេលបាននៅជិតសំណព្វចិត្តទេ៕

ប្រភព៖ Kenh14 ប្រែសម្រួល៖ យី សុធារី