ទិញទូរសព្ទ RAM 8GB ចាយលុយឥតប្រយោជន៍ មិនជឿមើលហេតុផលទាំងនេះទៅ

2018-10-17 02:07:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូនកាន់តែច្រើនបានវិវឌ្ឍទំហំ RAM ទៅ 6GB ហើយ OnePlus 6 លោតមួយជំហានទៀតដោយពង្រីកទំហំ RAM ដល់ 8GB។ ទន្ទឹមនឹង RAM ធំៗ ទំហំ Storage ក៏រីកធំដល់ទៅ 512GB។

ហេតុផល RAM 8GB មិនសូវជាសំខាន់នោះទេ៖

គ្រាន់តែបញ្ចូលក្នុងលក្ខណៈសម្បត្តិទូរសព្ទ ដើម្បីទាក់ទាញអ្នកប្រើប្រាស់

ឆ្នាំមុន RAM 6GB ទាញចំណាប់អារម្មណ៍អ្នកប្រើប្រាស់ជាច្រើន។ ការបន្ថែម RAM 8GB របស់ក្រុមហ៊ុនទូរសព្ទ អាចជាយុទ្ធសាស្ត្រលក់ដ៏ល្អមួយ ទោះមិនចាំបាច់ក៏ដោយ។

អ្នកប្រើប្រាស់ជាធម្មតា មិនមានតម្រូវការ RAM 8GB នេះទេ

បើប្រើត្រឹមស្តាប់តន្ត្រី មើលរឿង លេងហ្គេម ប្រើបណ្ដាញសង្គម ឬបើកវេបសាយនានា ប្រហែលជាមិនចាំបាច់ត្រូវការ RAM ធំចឹងទេ។

ទូរសព្ទល្អបំផុតលើលោក មាន RAM មិនច្រើនទេ

ទូរសព្ទល្អបំផុតលើលោក រួមទាំង iPhone XS, Note 9 ឬអំបូរ Pixel ប្រើ RAM មិនធំខ្លាំងដល់ថ្នាក់នេះទេ មានពី 3GB ទៅ 6GB ប៉ុណ្ណោះ។

RAM 8GB មិនមានន័យថាទូរសព្ទនឹងលឿនជាងគេទេ

ការពង្រឹងប្រព័ន្ធប្រតិបត្តិការដើរតួនាទីសំខាន់ពាក់ព័ន្ធនឹងល្បឿនស្មាតហ្វូន ហើយទូរសព្ទមាន RAM 8GB មិនប្រាកដលឿនជាងគេទេ។

ពិបាកដឹងថាទូរសព្ទ RAM 6GB និង 8GB ខុសគ្នាយ៉ាងម៉េច

ល្បឿនប្រើប្រាស់ប្រចាំថ្ងៃ រវាង RAM 6GB និង 8GB លើស្មាតហ្វូនដូចគ្នា ពិបាកនឹងកំណត់សម្គាល់ណាស់។

ហ្គេម Android ភាគច្រើន ផ្ដោតលើអ្នកប្រើប្រាស់មាន RAM តិច

អ្នកអភិវឌ្ឍន៍ហ្គេមចង់បានមនុស្សច្រើនទាញយកប្រើប្រាស់ ហើយនឹងគិតគូរពីការសម្រួលល្បឿនតម្រូវក្នុងការលេងហ្គេម ដើម្បីដំណើរការលើឧបករណ៍ចំនួនធំមាន RAM តិច។

មិនមានកម្មវិធី Android តម្រូវ RAM 8GB ទេ

មិនមានកម្មវិធី តម្រូវ RAM 8GB ក្នុងការប្រើប្រាស់នោះទេ សូម្បីតែកម្មវិធីប្រភេទ AR និង VR អាចប្រើបានស្រួលត្រឹម RAM 4GB។

ទូរសព្ទ RAM 8GB កើនតម្លៃ

RAM ធំនឹងកើនតម្លៃ គួរពិចារណាពីតម្រូវការរបស់អ្នកមុនពេលចំណាយ។

ទូរសព្ទ RAM 8GB ប្រហែលជាចាំបាច់ពេលអនាគត

ប្រហែលគិតថាស្មាតហ្វូន RAM 8GB អាចប្រើបានយូរ ពេលអនាគតមានហ្គេម និងកម្មវិធីធំខ្លាំង។ ប៉ុន្តែបើអាចគួររង់ចាំទិញ ១ឆ្នាំ ឬ២ឆ្នាំទៀត ទម្រាំមានតម្រូវការធ្ងន់ៗកើតឡើង៕