បំភ្លេចមិនបាន បទចម្រៀងព្រះបរមរតនៈកោដ្ឋ ពីរោះមានន័យក្នុងដួងចិត្តរាស្ត្រគ្រប់គ្នា (វីដេអូ)
- 2018-10-15 05:02:11
- ចំនួនមតិ 0 | ចំនួនចែករំលែក 0
បំភ្លេចមិនបាន បទចម្រៀងព្រះបរមរតនៈកោដ្ឋ ពីរោះមានន័យក្នុងដួងចិត្តរាស្ត្រគ្រប់គ្នា (វីដេអូ)
ចន្លោះមិនឃើញ
ព្រះមហាវីរក្សត្រ ព្រះបាទនរោត្តមសីហនុ ព្រះបរមរតនកោដ្ឋ ទ្រង់បានសព្វព្រះរាជហរទ័យបទច្រៀងចម្រៀងជាច្រើន រៀបរាប់ពីទេសភាពឆើតឆាយរបស់កម្ពុជា លាយលំមនោសញ្ចេតនា បង្កប់អត្ថន័យ ពីរោះដក់ជាប់ក្នុងដួងចិត្តរាស្ត្រគ្រប់ៗគ្នា ឲ្យបំភ្លេចមិនបាន។
បើតាមការឲ្យដឹងពីអតីតលេខាផ្ទាល់ព្រះមហាវីរក្សត្រ ព្រះអង្គម្ចាស់ ស៊ីសុវត្ថិ ធម្មិកោ បទចម្រៀងជាព្រះរាជនិពន្ធរបស់ព្រះបរមរតនកោដ្ឋ មានប្រមាណ៣០បទ និងបទចម្រៀងមួយចំនួន ព្រះបរមរតនកោដ្ឋសព្វព្រះរាជហរទ័យច្រៀងកម្សាន្ត ។ បទចម្រៀង "លាហើយកម្ពុជា" ជាព្រះរាជនិពន្ធចុងក្រោយ និងច្រៀងដោយអតីតព្រះមហាក្សត្រ ជាបទមួយដែលធ្វើឲ្យប្រជាពលរដ្ឋអាឡោះអាល័យព្រះអង្គកាន់តែខ្លាំង និងចងចាំព្រះអង្គជានិច្ច ។
ថ្ងៃទី ១៥ តុលា ២០១៨ ជាមហាព្រះរាជកុសលខួបទី៦ឆ្នាំ ការយាងចូលព្រះទិវង្គតនៃព្រះករុណា ព្រះបាទសម្ដេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យបូរណភាពដែនដី និងឯកភាពជាតិខ្មែរ ព្រះបរមរតនកោដ្ឋជាទីគោរពសក្ការដ៏ខ្ពង់ខ្ពស់បំផុត។
សូមថ្វាយមហាព្រះរាជកុសល ព្រះបរមវិញ្ញាណក្ខន្ធ ព្រះករុណា ព្រះបរមរតនកោដ្ឋ ជាទីគោរពសក្ការដ៏ខ្ពង់ខ្ពស់បំផុត ស្ដេចយាងសោយសុខក្នុងឋានព្រះបរមសុខកុំបីឃ្លៀងឃ្លាតឡើយ៕
សូមអញ្ជើញយាងទត និងទស្សនា៖
លាហើយកម្ពុជា
ស្នេហាគ្មានសង្ឃឹម
ភ្នំពេញ
រាត្រីជួបភក្ត្រ
ម៉ូនីកា