ក្រុមយុវជនវ័យក្មេង តែងនិពន្ធបទចម្រៀងច្រៀងថ្វាយព្រះរាជកុសលព្រះវិញ្ញាណក្ខន្ធព្រះបរមរតនកោដ្ឋ
- 2018-10-16 05:13:35
- ចំនួនមតិ 0 | ចំនួនចែករំលែក 0
ក្រុមយុវជនវ័យក្មេង តែងនិពន្ធបទចម្រៀងច្រៀងថ្វាយព្រះរាជកុសលព្រះវិញ្ញាណក្ខន្ធព្រះបរមរតនកោដ្ឋ
ចន្លោះមិនឃើញ
ដោយក្តីស្រលាញ់ ភ្ជាប់ដោយជាការចងចាំ និងការដឹងគុណយ៉ាងជ្រាលជ្រៅ ក្រុមយុវជនខ្មែរមួយក្រុមបានតាក់តែងជាបទចម្រៀងឡើងចេញពីចិត្ត និងដោយក្តីនឹករលឹក ថ្វាយព្រះបរមរតនកោដ្ឋ ព្រះបាទនរោត្តម សីហនុ និងផ្សព្វផ្សាយក្នុងថ្ងៃគោរពវិញ្ញាណក្ខន្ធ ខួបលើកទី ៦ ឆ្នាំ ២០១៨។
នេះជាសំឡេងចម្រៀងឡើងរណ្ដំពីយុវជនខ្មែរ លោក សំណាង ឧត្តម និស្សិតច្បាប់ និងកញ្ញា ញឹម ស្រីវិន ដោយទំនុកច្រៀងដោយ វីរៈ វ៉ារ៉ានី សមាជិកក្រុមព្រះសុរិយា ថ្វាយព្រះរាជកុសលព្រះវិញ្ញាណក្ខន្ធ ព្រះករុណា ព្រះបាទសម្តេច ព្រះនរោត្តម សីហនុ ព្រះមហាវីរក្សត្រព្រះវររាជបិតាឯករាជ្យ របូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ ថ្ងៃទី ១៥ ខែតុលា ឆ្នាំ ២០១២ ដល់ ថ្ងៃទី ១៥ ខែតុលា ឆ្នាំ ២០១៨។
តំណាងក្រុម ព្រះសុរិយា លោក រិន ឆោម វីរៈ បានប្រាប់ឱ្យដឹងថា ក្នុងការស្រាវជ្រាវសិល្បៈតន្រ្តី និងភាពយន្តខ្មែរ ព្រះមហាក្សត្រខ្មែរ ព្រះបាទ នរោត្តមសីហនុ ជាព្រះប្រមុខ ដែលនាំវិស័យភាពយន្តខ្មែរឱ្យល្បាញល្បីមុនគេក្នុងអាស៊ី មិនរាប់បន្ថែមស្នាព្រះហត្ថ និងការបង្រួបបង្រួមជាតិដែលទ្រង់បាននាំមកជូនទឹកដីកម្ពុជា។
ក្នុងវិស័យតន្រ្ដីចម្រៀង សិល្បៈសម្ដែង និងភាពយន្តខ្មែរ រីកដុះដាលដោយសារជាតិសាសន៍រីកចម្រើនដូចគ្នា ម្លោះហើយទើបសម័យសង្គមរាស្រ្តនិយម ដែលដឹកនាំដោយ ព្រះបាទ សីហនុ ជាសម័យកាលគួរជាទីចងចាំ និងរៀនសូត្រដើម្បីអភិវឌ្ឍប្រទេសឱ្យកាន់តែរីកចម្រើន នេះបើតាមការលើកឡើងរបស់ លោក រិន ឆោមវិរៈ តំណាងក្រុមព្រះសុរិយា៕
ចង់ដឹងកាន់ច្បាស់ពីអត្ថន័យបទចម្រៀង សូមទស្សនាវីដេអូចម្រៀងខាងក្រោម ផលិតដោយក្រុមព្រះសុរិយា៖