ក្រសួងអំពាវនាវជាថ្មី ឲ្យជនពិការបញ្ឍប់ការច្រៀងតាមផ្លូវសាធារណ:
- 2018-10-18 02:09:04
- ចំនួនមតិ 0 | ចំនួនចែករំលែក 0
ក្រសួងអំពាវនាវជាថ្មី ឲ្យជនពិការបញ្ឍប់ការច្រៀងតាមផ្លូវសាធារណ:
ចន្លោះមិនឃើញ
ក្រសួងសង្គមកិច្ច អំពាវនាវឲ្យជនពិការបញ្ឍប់ការច្រៀងតាមដងផ្លូវសាធារណ: ដើម្បីរក្សាបានសេចក្តីថ្លៃថ្នូរ និងសណ្តាប់ធ្នាប់។
ឯឧត្តម ឯម ច័ន្ទមករា អគ្គលេខាធិការនៃអគ្គលេខាធិការដ្ឋាន ក្រុមប្រឹក្សាសកម្មភាពជនពិការ នៃក្រសួងសង្គមកិច្ចអតីតៈយុទ្ធជននិងយុវនីតិសម្បទា បានលើក ទឹកចិត្តឲ្យក្រុមតន្រ្តីជនពិការរួបរួមគ្នាឡើងវិញជាក្រុមធំៗ ហើយទៅច្រៀងនៅក្នុងបរិវេណរមណីយដ្ឋានវត្តភ្នំ ដែលអាជ្ញាធរផ្តល់ឲ្យ ដើម្បីធានាបានសេចក្តីថ្លៃថ្នូរ និងមិនប៉ៈពាល់សោភណ័ភាពរាជធានីភ្នំពេញ។
ការបន្តអំពាវនាវនេះ បន្ទាប់បីយក្រុមតន្រ្តីជនពិការនៅតែបន្តសម្តែងនៅតាមភ្លើងស្តុប តាមផ្សារ និងតាមទីសាធារណៈ ដែលធ្វើឲ្យបាត់បង់សណ្តាប់ធ្នាប់ និងប៉ៈពាល់ដល់កិត្តិយសរបស់ជនពិការ ខណៈដែលអាជ្ញាធរបានធ្វើការហាមប្រាម។
មន្ត្រីរូបនេះ បានថ្លែងប្រាប់ក្នុងពិធីអប់អរសាទរទិវាមនុស្សគថ្លង់ ដោយគូសបញ្ជាក់ថា រាជរដ្ឋាភិបាលកម្ពុជាសព្វថ្ងៃនេះបានយកចិត្តទុកដាក់ខ្ពស់ចំពោះជនពិការបានឧបត្ថម្ភឧបករណ៍ភ្លេងតន្រ្តីសម័យសម្រាប់ជនពិការ ហើយបង្កើតជាក្រុមលេងនៅតំបន់រមណីយដ្ឋានវត្តភ្នំ និងលេងនៅតាមបុណ្យប្រពៃណីជាតិ និងបុណ្យរបស់ប្រជាពលរដ្ឋ ដែលមិនបង្កដល់ផលប៉ះពាល់ដល់សណ្តាប់ធ្នាប់សាធារណ: និងអាចស្វែងរកប្រាក់កម្រៃសម្រាប់ផ្គត់ផ្គង់ជីវភាព។
ក្រសួងអំពាវនាវដល់ប្រជាពលរដ្ឋ ក្រុមហ៊ុន ក្រសួងស្ថាប័ននានាជួយជួលក្រុមតន្រ្តីជនពិការទៅសម្តែងក្នុងកម្មវិធីផ្សេងៗ ដើម្បីចូលរួមចំណែកលើកកម្ពស់ជីវភាពបងប្អូនជនពិការដែលកំពុងខ្វះខាត។