តាមពិត ១០មិនមែនជាលេខដែល Neymar ធ្លាប់ស្រឡាញ់នោះទេ

2018-10-18 02:16:57
ចំនួនមតិ 0 | ចំនួនចែករំលែក 0

ចន្លោះមិនឃើញ

Neymar ខ្សែប្រយុទ្ធរបស់ Paris Saint-Germain បានទម្លាយជារឿងខាងក្រោយ ដែលគេទទួលបានអាវលេខ១០នៅជម្រើសជាតិប្រេស៊ីល។

កីឡាករវ័យ២៦ឆ្នាំប្រាប់ឲ្យដឹង មានពីរលេខដែលគេធ្លាប់ស្រឡាញ់គឺលេខ៧និងលេខ១០ ក្រោមហេតុផលសំខាន់មួយចំនួន។ ប្រាប់ UOL Sporte គេនិយាយថា Robinho ជាកីឡាករសំណព្វចិត្តរបស់គេ។ កាល Robinho លេងនៅ Santos គឺពាក់អាវលេខ៧ ដូច្នេះធ្វើឲ្យគេស្រឡាញ់លេខមួយនេះ។

កាលឆ្នាំ២០១០ Robinho ត្រូវបាន Santos ខ្ចីជើងពី Man City ហើយពេលនោះ Neymar បានឲ្យអាវលេខ៧ទៅកីឡាករសំណព្វចិត្តរបស់ខ្លួនវិញ ដោយជ្រើសយកអាវលេខ១១មកពាក់ជំនួសវិញ។ មុនកម្មវិធី Confederations Cup ២០១៣ លោក Luiz Felipe Scolari អតីតគ្រូជម្រើសជាតិប្រេស៊ីលបានចែកលេខឲ្យកីឡាករ ពេលនោះ Neymar ប្រាប់ថា គេស្រឡាញ់លេខ៧និង១១។

ប៉ុន្តែពេលនោះ Dani Alves បានណែនាំឲ្យ Neymar ពាក់លេខ១០វិញទើបស័ក្ដិសម។ ចាប់ពេលនោះមកគេចាប់ផ្ដើមស្រឡាញ់លេខ១០ តែនៅ Barca គេមិនបានពាក់លេខនេះទេដោយសារ Messi កំពុងគ្រប់គ្រង។ យ៉ាងណា ក្រោយផ្ទេរមក PGS តារាពូកែញាក់បានផ្លាស់មកពាក់អាវលេខ១០វិញ៕

ប្រភព៖ Marca ប្រែសម្រួល៖ ហេង សុធារិទ្ធិ