ដំណឹងរៀបការរបស់ Justin ធ្វើឲ្យ Selena ជូរចត់បំផុតរហូតផ្ដាច់ការទាក់ទងពីគ្រប់គ្នា?
- 2018-10-19 02:18:12
- ចំនួនមតិ 0 | ចំនួនចែករំលែក 0
ដំណឹងរៀបការរបស់ Justin ធ្វើឲ្យ Selena ជូរចត់បំផុតរហូតផ្ដាច់ការទាក់ទងពីគ្រប់គ្នា?
ចន្លោះមិនឃើញ
កាលពីខែមុន តារាសម្ដែង និងចម្រៀង Selena Gomez បានធ្វើឲ្យអ្នកគាំទ្រ ក៏ដូចជាមិត្តរួមអាជីពភ្ញាក់ផ្អើល ព្រមទាំងព្រួយបារម្ភបំផុត បន្ទាប់ពីនាងត្រូវបញ្ជូនទៅព្យាបាលភ្លាមៗពេលជំងឺផ្លូវចិត្តធ្វើទុក្ខ។ ទាក់ទងនឹងស្ថានភាពនាងនៅពេលនេះ ក៏មានសេចក្ដីរាយការណ៍មកថា នេះអាចមកពីនាងអស់ការអត់ធ្មត់ក្នុងការធ្វើចិត្ត តតាំងនឹងដំណឹងរៀបការរបស់ Justin និង Hailey។
ប្រភពពីវិបសាយ US Weekly បានឲ្យដឹងថា៖ "Justin គឺជាស្នេហ៍ពិតដំបូងរបស់ Selena ហេតុនេះហើយនាងពិតជាប្រច័ណ្ឌខ្លាំងណាស់។ ម្យ៉ាងក៏ជារឿងរ៉ាវល្វីងជូរចត់បំផុតក្នុងជីវិតនាងដែរ”។ ដោយសារមានបញ្ហាជាច្រើនបែបនេះ ទើប Selena រងនូវសម្ពាធជាខ្លាំង រហូតកាត់ផ្ដាច់ទំនាក់ទំនងជាមួយមិត្តភ័ក្តិ ហើយគេចខ្លួនមិនឲ្យអ្នកណាដឹងឡើយ។
បើតាមសេចក្ដីរាយការណ៍ដែលបានចុះផ្សាយកន្លងទៅ បានឲ្យដឹងថា Selena ចូលមន្ទីរពេទ្យដល់ទៅ ២ដងឯណោះកាលពីខែកញ្ញា ស្របពេលកម្រិតឈាមធ្លាក់ចុះ ដល់ចំណុចមិនស្រួលខ្លាំង (នេះបើផ្អែកតាមលទ្ធផលក្រោយវះកាត់ក្រលៀនកាលពីឆ្នាំ ២០១៧)។
មួយវិញទៀត ក៏ទាក់ទងនឹងវិបត្តិផ្លូវចិត្ត ជាហេតុតម្រូវឲ្យនាងត្រូវចំណាយពេលព្យាបាលឲ្យបានគ្រប់គ្រាន់ ដើម្បីវិលមកសភាពធម្មតាវិញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
