ទីផ្សារកាន់តែកាក់កប ភឹម តារាវិបុល គ្រោងបើកជំនួញ ចាយខ្ទង់ម៉ឺនដុល្លារ
- 2018-10-19 03:28:01
- ចំនួនមតិ 0 | ចំនួនចែករំលែក 0
ទីផ្សារកាន់តែកាក់កប ភឹម តារាវិបុល គ្រោងបើកជំនួញ ចាយខ្ទង់ម៉ឺនដុល្លារ
ចន្លោះមិនឃើញ
បន្ទាប់ពីមានទីផ្សារជាបន្តបន្ទាប់ តារាសម្ដែង ភឹម តារាវិបុល ងាកមកចាប់អារម្មណ៍ចង់បើកមុខជំនួញវិញម្ដង ដោយរបរថ្មី គ្រោងចាយទុនប្រហែល៣ម៉ឺនទៅ ៤ម៉ឺន ដុល្លារ ។ តួសម្ដែងក្នុងរឿង "ណូលីណូឡា" ប្រាប់ថា លោកគ្រោងបើកហាងភេសជ្ជៈ ដែលជារបរបន្ថែមពីអាជីពសិល្បៈ និងការងារនៅស្ថាប័នមួយ។
តារាប្រលូកសិល្បៈអស់ពេលជាង ១២ឆ្នាំ តាមរយៈការប្រលង Freshies Boy ជំនាន់ទី៥ បន្តថា លោកចង់បើកជំនួញនេះ ព្រោះមើលឃើញថា ជាតម្រូវការរបស់មនុស្សទូទៅ មិនថាចាស់ ក្មេង សម័យឥលូវនិយមផឹកភេសជ្ជៈ ពេលធ្វើការ ឬសិក្សាជាដើម។ ដោយសារតែហាងក្នុងក្ដីស្រមៃរបស់លោក ត្រូវការដើមទុនច្រើន លោក ភឹម តារាវិបុល មានគម្រោងចូលហ៊ុនជាមួយសាច់ញាតិ។ តែបើលោកអាចសន្សំប្រាក់បានគ្រប់គ្រាន់តែម្ដង នោះលោកនឹងបើកវាដោយប្រាក់ខ្លួនឯង ព្រោះពេលនេះទុនមានប្រមាណ ៦០ ទៅ៧០ភាគរយហើយ។
លោក ភឹម តារាវិបុល ជាតារាសម្តែងយូរឆ្នាំមកហើយ តែដោយមមាញឹកនឹងការងារផ្ទាល់ខ្លួន លោកបានចាកឆ្ងាយពីសិល្បៈមួយរយៈ។ ប៉ុន្មានឆ្នាំចុងក្រោយនេះ លោកបានវិលមកប្រឡូកសាជាថ្មី ដោយទទួលបានឱកាសសម្ដែង ថតស្ប៉ត និង ដើរម៉ូដ បានច្រើនកួរកត់សម្គាល់៕