នៅអឺរ៉ុប អ្នកចង់ប្រើសេវា Google ត្រូវបង់លុយ

2018-10-22 07:47:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនបច្ចេកវិទ្យាយក្ស Google បញ្ជាក់ថាខ្លួននឹងផ្តល់ License (គិតកម្រៃ) សម្រាប់ក្រុមហ៊ុនផលិតទូរសព្ទ និង Tablet នៅអឺរ៉ុបដែលចង់បញ្ចូលកម្មវិធី Google Play App Store, Maps, Gmail និង YouTube។ License មួយទៀត រួមទាំង Search Engine របស់ Google និង Chrome Browser ផងដែរ។ នេះទំនងជាការឆ្លើយតបទៅនឹងការផាកពិន័យក្នុងទំហំទឹកប្រាក់ ៥ ពាន់លានដុល្លារ ដោយសហភាពអឺរ៉ុបក្នុងខែកក្កដា។

ប្រធានផ្នែក Android របស់ Google លោក Hiroshi Lockheimer លើកឡើងថា ក្រុមហ៊ុននឹងចាប់ផ្តើមផ្តល់ License នៅថ្ងៃទី ២៦ ខែតុលា ប៉ុន្តែតម្លៃប៉ុន្មានមិនទាន់បញ្ជាក់នៅឡើយទេ។

លោក Lockheimer បានសរសេរក្នុង Blog ថា៖ "តាំងពីមានការដំឡើងកម្មវិធី Google Search និង Chrome រួមគ្នាជាមួយកម្មវិធីដទៃទៀត បានជួយជំរុញដល់កិច្ចការអភិវឌ្ឍន៍ រួមទាំងការផ្តល់ការប្រើប្រាស់ Android ដោយឥតគិតថ្លៃ។ យើងនឹងផ្តល់ជូន License បង់កម្រៃថ្មីមួយសម្រាប់ស្មាតហ្វូន និង Tablet ដែលនាំចូលតំបន់សេដ្ឋកិច្ចអឺរ៉ុប (European Economic Area) ខណៈ Android នៅអាចប្រើឥតគិតថ្លៃ (Open Source)។"

សម្រាប់ Google នេះជាការផ្លាស់ប្ដូរសំខាន់មួយសម្រាប់ជំនួញផ្នែក Mobile ជារួមគឺផ្តល់ Android ប្រើដោយឥតគិតថ្លៃ ហើយក្រុមហ៊ុនបែងចែកតម្រូវការប្រើប្រាស់សេវាកម្មខ្លួន ដូចជាការស្រាវជ្រាវ និងកម្មវិធីបើកអ៊ីនធឺណិត។ ក្រុមហ៊ុនមេរបស់ Google គឺ Alphabet ទទួលបាន ៩០% នៃការលក់ប្រចាំឆ្នាំចំនួន ១០០ ពាន់លានដុល្លារ ពីមុខងារស្រាវជ្រាវ និងពាណិជ្ជកម្ម៕