លេចឮ Samsung កំពុងសំងំផលិតស្មាតហ្វូន Gaming

2018-10-20 03:21:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះ មានដំណឹងដ៏ភ្ញាក់ផ្អើលគឺ ក្រុមហ៊ុនបច្ចេកវិទ្យាយក្សកូរ៉េខាងត្បូងកំពុងសំងំសិក្សា និងត្រៀមខ្លួនផលិតស្មាតហ្វូន Gaming ដែលមានសមត្ថភាពមិនចាញ់ Razer ឬ ROG Phone របស់ Asus នោះទេ។

Note 9 មានបច្ចេកវិទ្យា Water Carbon Cooling System

យោងតាមប្រភពពី Samsung នៅប្រទេសអាល្លឺម៉ង់បានបង្ហើបតាមរយៈ Twitter ថា **Samsung កំពុងសិក្សាលើបច្ចេកវិទ្យាថ្មីៗដែលមានដូចជា បច្ចេកវិទ្យាកាមេរ៉ាមុខបង្កប់ក្រោមផ្ទៃអេក្រង់ រូបរាងគំរូស្មាតហ្វូនជំនាន់ថ្មីៗ និងថែមទាំងសិក្សាលើការបង្កើតស្មាតហ្វូនដែលមានកម្លាំងខ្លាំងសម្រាប់តែការលេងហ្គេមផងដែរ។**

ROG Phone

តាមប្រភពដដែលបានបន្តថា ទោះជាមិនទាន់ចេញជារូបរាងក្តី តែនេះក៏ជាមហិច្ចតាមួយដែលក្រុមហ៊ុនបច្ចេកវិទ្យាធំៗនឹងធ្វើនៅពេលអនាគត អាចថា ខ្ទង់ឆ្នាំ ២០២០ ស្មាតហ្វូនទាំងអស់សុទ្ធតែមានកម្លាំងខ្លាំង អាចលេងហ្គេមបានយ៉ាងរលូន៕

បើជាអ្នកវិញ ចង់ឃើញស្មាតហ្វូន Gaming របស់ Samsung ដែរទេ?

ប្រភព៖ PhoneArena | Twitter ប្រែសម្រួល៖ រក្សា