បន្ទាន់ ការប្រកួត NET2018 ត្រូវពន្យារពេល១សប្តាហ៍

2018-10-21 02:48:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតកីឡាអេឡិចត្រូនិកជ្រើសជើងឯកប្រចាំឆ្នាំ២០១៨នឹងត្រូវពន្យារពេល១សប្តាហ៍គ្រប់តំបន់ជម្រុះ៥ទូទាំងប្រទេសតែម្តង ដូច្នេះសម្រាប់ក្រុមកីឡាអេឡិចត្រូនិកណាដែលមិនទាន់បានចុះឈ្មោះចូលរួមប្រកួតគឺនៅមានឱកាសចុះឈ្មោះចូលរួមប្រកួតបាន។

រូបភាពប្រកួតជើងឯកកាលពីឆ្នាំ២០១៧

តាមសេចក្តីប្រកាសរបស់គណៈកម្មការរៀបចំការប្រកួតនៃសហព័ន្ធកីឡាអេឡិចត្រូនិកកម្ពុជាគឺត្រូវបានប្រកាសពន្យារពេលដូចខាងក្រោម៖ - តំបន់ទី១៖ ខេត្តកំពង់ចាម ក្រចេះ ស្ទឹងត្រែង រតនគីរី និងមណ្ឌលគីរី **លើកពីថ្ងៃទី២៧ ខែវិច្ឆិកា ទៅប្រកួតថ្ងៃទី៣ ខែវិច្ឆិកា** ឆ្នាំ២០១៨។ - តំបន់ទី២៖ ខេត្តកំពង់ធំ ព្រះវិហារ សៀមរាប និងឧត្តរមានជ័យ ** លើកពីថ្ងៃទី៣ ខែវិច្ឆិកា ទៅប្រកួតថ្ងៃទី១០ ខែវិច្ឆិកា** ឆ្នាំ២០១៨។ - តំបន់ទី៣៖ ខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន និងបន្ទាយមានជ័យ **លើកពីថ្ងៃទី៨ ខែវិច្ឆិកា ទៅ ប្រកួតថ្ងៃទី១៧ ខែវិច្ឆិកា** ឆ្នាំ២០១៨។ - តំបន់ទី៤៖ ខេត្តតាកែវ កំពត ក្រុងព្រះសីហនុ កោះកុង និងកំពង់ស្ពឺ **លើកពីថ្ងៃទី២៥ ខែវិច្ឆិកា ទៅប្រកួតថ្ងៃទី១ ខែធ្នូ** ឆ្នាំ២០១៨។ - តំបន់ទី៥៖ រាជធានីភ្នំពេញ ខេត្តកណ្តាល ព្រៃវែង និងស្វាយរៀង **លើកពីថ្ងៃទី១ ខែធ្នូ ទៅប្រកួតថ្ងៃទី៨ ខែធ្នូ** ឆ្នាំ២០១៨។

ចំពោះការប្រកួត ជុំផ្តាច់ព្រ័ត្រទូទាំងប្រទេស និងការប្រកួតកីឡាអេឡិចត្រូនិកអន្តរជាតិ MATIC 2019 មិនមានការផ្លាស់ប្តូរទេគឺនៅរក្សាថ្ងៃទី១២ ១៣ ខែមករា ឆ្នាំ២០១៩ នៅផ្សារទំនើប អ៊ីអនសែនសុខ។

ជុំវិញការលើកពេលប្រកួតតំបន់ជម្រុះទាំង៥ត្រូវបានគណៈកម្មការរៀបចំការប្រកួតបញ្ជាក់ថា ដោយសារបញ្ចេកទេសរៀបចំមិនទាន់រួចរាល់ឲ្យទាន់ពេលវេលា ដូច្នេះត្រូវលើកពេល១សប្តាហ៍ទើបត្រៀមខ្លួនឲ្យបានរួចរាល់សម្រាប់ខេត្តទាំងអស់នៃតំបន់ទាំង៥៕