ជប៉ុន ប្រកាសរកមនុស្ស មកនៅក្នុងស្ថានីយអវកាសសិប្បនិម្មិត ២សប្តាហ៍ ឲ្យរង្វាន់ខ្ទង់ពាន់ដុល្លារ

2018-10-22 07:19:56
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ ភ្នាក់ងារអវកាសរបស់ប្រទេសជប៉ុន Japan Aerospace Exploration Agency (JAXA) បានប្រកាសស្វែងរកមនុស្សអាយុក្រោម ៥៥ឆ្នាំ មានសុខភាពល្អ និង មានឆន្ទៈ ដើម្បីចំណាយពេល ២សប្តាហ៍ រស់នៅដាច់ស្រយាលក្នុងស្ថានីយអវកាសសិប្បនិម្មិត ជាមួយនឹងថ្នូរទឹកប្រាក់ចំនួន ៣៨០ ០០០យ៉េន ឬប្រហែល ៣ ៥០០ដុល្លារ។

ទីភ្នាក់ងារអវកាសខាងលើត្រូវការមនុស្សយ៉ាងហោចណាស់ចំនួន ៨នាក់ ដើម្បីចំណាយពេល ១៤ថ្ងៃ និង ១៣យប់ នៅក្នុងស្ថានីយអវកាសសិប្បនិម្មិតនោះ។ ការធ្វើដូច្នេះគឺដើម្បីសិក្សាពីភាពតានតឹង ឲ្យបានត្រឹមត្រូវបន្ថែមទៀត សម្រាប់អវកាសយានិកពិតប្រាកដរបស់ទីភ្នាក់ងារ JAXA ដែលនឹងត្រូវបញ្ជូនទៅក្នុងលំហអវកាសរយៈពេលយូរ។

អ្នកដែលត្រូវបានជ្រើសរើស នឹងត្រូវចាក់សោនៅខាងក្នុងមជ្ឈមណ្ឌលអវកាស Tsukuba Space Center ហើយមិនអនុញ្ញាតឲ្យយកទ្រព្យសម្បត្តិ ឬរបស់របរផ្ទាល់ខ្លួនចូលជាមួយឡើយ។ នៅក្នុងនោះ ពួកគេនឹងរស់នៅប្រៀបដូចជានៅក្នុងស្ថានីយអវកាសអន្តរជាតិពិតប្រាកដអីចឹង។ ជាមួយគ្នានេះដែរ ក្នុងអំឡុងពេលអនុវត្ត អ្នកចូលរួមនឹងត្រូវបានប្រគល់ភារកិច្ចផ្សេងៗជាច្រើន ខណៈអ្នកវិទ្យាសាស្ត្រនឹងរង់ចាំវាស់កម្រិតស្ត្រេសរបស់ពួកគេ៕

ចុចអាន៖