សរុបព្រឹត្តិការណ៍ធំៗមនុស្សចូលរួមដល់ខ្ទង់ពាន់នាក់ ធ្វើថ្ងៃតែមួយនៅកោះពេជ្រ

2018-10-22 10:22:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ការពិនិត្យ និងពិគ្រោះជំងឺមហារីកសុដន់ដោយឥតគិតថ្លៃ ដោយគ្រូពេទ្យជំនាញ មានមនុស្សចូលរួមប្រមាណ ១ ៣០០នាក់
ក្បួនដើរសប្បុរសធម៌ពណ៌ផ្កាឈូក (Pink Walk) មានមនុស្សជិត ២ ០០០នាក់
ការរាំហ្សាំបារ មានអ្នកចូលរួមប្រហែល ៨០០នាក់

ការសន្ទនាណែនាំ និងលើកទឹកចិត្តពីអ្នកជាសះស្បើយពីជំងឺមហារីកសុដន់ ដែលធ្វើឡើងមុនការប្រគំតន្ត្រីដោយតារាល្បីៗ មានមនុស្សទស្សនាជាង ២០ ០០០នាក់
ប្រមូលថវិកាបាន ៣០ ០០០ដុល្លារ ឲ្យទៅមន្ទីរពេទ្យព្រះសីហនុ មណ្ឌលនៃក្ដីសង្ឃឹម ដែលជាមន្ទីរពេទ្យសប្បុរសធម៌ ហើយព្យាបាលជំងឺមហារីកសុដន់យូរជាងគេនៅកម្ពុជា

ក្រុមហ៊ុនធានារ៉ាប់រងជីវិត AIA បានរៀបចំព្រឹត្តិការណ៍ធំមួយនៅកោះពេជ្រ កាលពីថ្ងៃសៅរ៍ សប្ដាហ៍មុន ដើម្បីចូលរួមលើកកម្ពស់ការយល់ដឹងពីជំងឺមហារីកសុដន់នៅកម្ពុជា ដោយឲ្យឈ្មោះថា FIT FOR HOPE by AIA។

លោក Richard Bates អគ្គនាយក AIA Cambodia

លោក Richard Bates អគ្គនាយក AIA Cambodia បាននិយាយថា ទឹកប្រាក់ ៣០ ០០០ដុល្លារ ដែលប្រមូលបានពីកម្មវិធី FIT FOR HOPE by AIA ឆ្នាំនេះ គឺច្រើនជាងឆ្នាំមុន ៣ដង ហើយអាចជួយមនុស្សជាង ៤ ០០០ ធ្វើរោគវិនិច្ឆ័យដោយវិទ្យុសាស្ត្រ (X-Ray) បាន ឬជួយមនុស្សច្រើនជាង ១ ៣០០នាក់ ធ្វើរោគវិនិច្ឆ័យដោយការវិភាគរកកោសិកាមហារីក។

មុនមកដល់ថ្ងៃធ្វើកម្មវិធីធំខាងលើ ព្រឹត្តិការណ៍ FIT FOR HOPE by AIA ក៏មានកម្មវិធីជាច្រើនទៀត ដែលចាប់ផ្ដើមតាំងពីពាក់កណ្ដាលខែកញ្ញាមកម្ល៉េះ ដែលមានដូចជា ការផ្សព្វផ្សាយចំពោះបណ្ដាបុគ្គលិក និងទីប្រឹក្សាផែនការជីវិត AIA ការផ្សព្វផ្សាយ និងគាំទ្រលើបណ្ដាញសង្គម ដោយតារាល្បីៗ និងសារព័ត៌មាន សិក្ខាសាលាដល់និស្សិតជាដើម៕