តោះ! ស្វែងយល់លំអិតអំពីកីឡាកាយសម្ព័ន្ធកម្ពុជា

2018-10-25 00:24:00
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់មហាជនមួយចំនួន ភាគច្រើនមានការភាន់ច្រឡំកីឡាកាយសម្ព័ន្ធ នេះទៅនិងប្រភេទកីឡាមួយចំនួនទៀត ដែលមានពាក្យសម្ព័ន្ធដូចគ្នា ឬច្រឡំទៅនិងកីឡាកាយវប្បកម្មជាដើម។

សកម្មភាពហ្វឹកហាត់

បើតាមការឲ្យដឹងពីលោក ណយ ផាន់ណា អគ្គលេខាធិការ និងជាគ្រូបង្វឹកកីឡាកាយសម្ព័ន្ធកម្ពុជាបានលើកឡើងថា ប្រភេទកីឡាមួយនេះ មានដើមកំណើតមកប្រទេសក្រិក អំឡុងឆ្នាំ១៧៧៤ មកម្ល៉េះ។ កីឡាមួយនេះចូលមកកម្ពុជាតាំងពីឆ្នាំ១៩៦៨ ម្ដងហើយ ប៉ុន្តែត្រូវបាត់បង់ទៅវិញដោយសារសង្គ្រាម ទើបតែឆ្នាំ១៩៨៣ ក៏ចាប់ផ្ដើមមានវត្តមានជាថ្មីរហូតដល់ ១៩៨៥ មានការទទួលស្គាល់ផ្លូវការ ពីគណៈកម្មាធិការជាតិអូឡាំពិកកម្ពុជា ក្រសួងអប់រំ យុវជន និងកីឡា។ នៅឆ្នាំ១៩៩៤ សហព័ន្ធមួយនេះត្រូវបានទទួលស្គាល់ពីអន្តរជាតិរហូតដល់បច្ចុប្បន្ននេះ។

ឧបករណ៍ហ្វឹកហាត់

ឥលូវនេះកីឡាកាយសម្ព័ន្ធកម្ពុជា មានឯកឧត្ដម ថោង ខុន ជាប្រធានសហព័ន្ធ និងអនុប្រធាន លោកឧកញ៉ា សុខ ហុង និងសមាជិកប្រតិបត្តិមួយចំនួនទៀត។ បើនិយាយពីកីឡាករ កីឡាការិនីសរុបចន្លោះពី ១៦០-១៨០នាក់។

លោក ណយ ផាន់ណា

កាយសម្ព័ន្ធជាប្រភេទកីឡាមូលដ្ឋានគ្រឹះនៃប្រភេទជាច្រើនទៀត។ ការហ្វឹកហាត់ ក៏ដូចជាការប្រកួតគឺប្រើកម្លាំងសុទ្ធតែម្ដង ហើយបើនិយាយពីបច្ចេកទេសហ្វឹកហាត់វិញ គឺត្រូវការកម្លាំង ភាពរហ័សរហួន ទន់ភ្លន់ ព្រោះលក្ខណៈបច្ចេកទេសគឺភាគច្រើនលោតលើលំហ។ ដូច្នេះការហ្វឹកហាត់កីឡាមួយនេះមានការលំបាកខ្លាំង និងអាចចំណាយពេលយ៉ាងហោចណាស់ ១២ឆ្នាំផងដែរ ទើបមានសមត្ថភាព អាចប្រកួតប្រជែងយកមេដាយលើឆាកអន្តរជាតិបាន៕