អ្វីដែលអ្នកនិយមប្រដាល់ចង់ឃើញនោះ គឺប៉ះគ្នាហើយអាទិត្យនេះ សុខ ធី ធ្នូសឺកឡេក
- 2018-10-26 07:33:11
- ចំនួនមតិ 0 | ចំនួនចែករំលែក 0
អ្វីដែលអ្នកនិយមប្រដាល់ចង់ឃើញនោះ គឺប៉ះគ្នាហើយអាទិត្យនេះ សុខ ធី ធ្នូសឺកឡេក
ចន្លោះមិនឃើញ
សម្រាប់អ្នកនិយមគាំទ្រប្រដាល់គុនខ្មែរ ច្បាស់ជាស្គាល់ សុខ ធី និងដឹងអំពីសមត្ថភាពជើងខ្លាំងរូបនេះរួចមកហើយ។ អ្វីដែលអ្នកនិយមប្រដាល់ចង់ឃើញ និងទន្ទឹងរង់ចាំការប៉ះគ្នារវាងជើងខ្លាំងកម្ពុជាម្នាក់នេះ និង Thnou Soek Lek បានមកដល់ហើយនាថ្ងៃអាទិត្យនេះនៅសង្វៀន CNC។
អ្នកទស្សនាភាគច្រើន តែងតែចង់ដឹងបំផុតអំពីលទ្ធផលក៏ដូចជាការប៉ះគ្នារវាងជើងខ្លាំងទាំងពីរនាក់នេះ ព្រោះសុទ្ធតែជាអ្នកប្រដាល់មានសមត្ថភាព និងផ្លែធ្ងន់ដូចគ្នា។ និយាយពីស្នៀតប្រយុទ្ធវិញ ទាំង សុខ ធី និង Thnou Soek Let គឺចូលចិត្តវ៉ៃមួយៗមិនបង្ខំដូចគ្នា ប៉ុន្តែពេញចេញផ្លែមួយៗរហ័ស និងធ្ងន់ទាំងព្រម។
សុខ ធី ធ្លាប់ប្រាប់ដែរថា ក្នុងបេក្ខភាពកីឡាករថៃ ដែលកំពុងលេងពានរង្វាន់ ISI ទាំង៤រូប គឺ Thnou Soek Let គឺល្អជាងគេ ហើយប្រវត្តិវ៉ៃទៀតសោតល្បីតាំងពីខ្លួនមិនទាន់ចេះប្រដាល់មកម្ល៉េះ។ ចំពោះហាត់ត្រៀមទុកវិញ ម្ចាស់មេដាយមាសកីឡាជាតិលើកទី២រូបនេះ ផ្ដោតសំខាន់ហ្វឹកហាត់កម្លាំងមួយមុខប៉ុណ្ណោះ ព្រោះមានតែយកកម្លាំងស៊ូនិងជើងខ្លាំងម្នាក់នេះទេ ដោយសារគេក៏មានវ័យណាស់ដែរហើយ។
បញ្ជាក់ផងដែរថា ការប្រកួតសប្ដាហ៍ទី២របស់ សុខ ធី ប៉ះ Thnou Soek Let និង ធន់ មករា ប៉ះ Sophab Noy កម្មវិធីពានរង្វាន់ទម្ងន់ ៥៧គីឡូក្រាម នេះនឹងប្រព្រឹត្តិទៅនាថ្ងៃអាទិត្យ ទី២៨ ខែតុលា ឆ្នាំ២០១៨ នេះហើយ។ កីឡាករកម្ពុជាទាំង៤រូបមានដូចតទៅ ឈិត សេរីវណ្ណថង ពីរប្រកួត ៦ពិន្ទុ សុខ ធី មួយប្រកួត ៣ពិន្ទុ ធន់ មករា មួយប្រកួត ១ពិន្ទុ ខណៈ ឡុង ជិន ពីរប្រកួត ២ពិន្ទុ៕
សហព័ន្ធ E-Sports ជ្រើសរើសឯកឧត្តម ជា ច័ន្ទបរិបូណ៍ ជាប្រធានអាណត្តិថ្មី
Barca កំពុងឡើង ទោះគ្មាន Messi ជាសារគំរាមទៅកាន់ Real Madrid